[aleman]

المشاركة الأصلية كتبت بواسطة يا رب عفوك

يوجد مشاكل بيني و ببن خطيبي وقرر اننا نسيب بعض و دة قبل جوازنا بشهر و لكن الموضوع معلق حتى رجوع خالي من السفر لغلق الموضوع و للحساب بين الطرفين و المفروض انا قاطعين الاتصال الان
و اعدت فترة احلم بخطيبي بشوفة واكلمه وهو مش طايقني و بعدين بتتصالح في الاخر و هو مش بيكون راضي اوي و الحلم اتكرر مرتين تقريبا بس مش نفس التفاصيل
وبعد كدة انا حلمت اني سافرت رحلة مع الكلية بتاعتي لمكتبة الاسكندرية لعدة ايام و اني كنت واقفة في طابور منتظرين ندخل المكتبة و لكني ذهبت انا و زميلة لي لنشتري اشياء من كشك بجانب المكتبة و لكن انا شوفت خطيبي خارج من المكتبة ومشيت و مشي ورايا وكان بيتكلم في التليفون مع زميلة له وبيقول ليها اشتري حاجات حلوة و انا عازمك هدفع تمنها وفضل مستنيني جنب شجرة تقريبا جنب الكشك لغاية ما خلصت شرا حاجاتي انا وزميلتي و جه اتكلم معايا وانا مكنتش عاوزة اتكلم معاة و لكن اتكلمنا بعد الحاح منه وحسيت بحنين ليه واتفقنا نتقابل تاني يوم و هو كان مبسوط و رجعت عند المكتبة لقيتهم دخلوا و روحت اقطع تذكرة انا وزميلتي عشان ندخل المكتبة
ارجو التفسير ان شاء الله

تفسيرى المتواضع والله اعلم:
واضع ان سبب مشاكلكم مش انتى السبب فيها وانما خطيبك هو اللى عاوز يسيب
يعنى الرفض مش من طرفك انتى
بس رؤيتك بيكلم واحدة تانى بالحلم تعنى انك بتغيرى عليه وقد تكون فى الحقيقة توجد امراة اخرى
وقد لاتكون هناك اى امراة اخرى غيرك فى حياته بس غيرتك عليه سببت فجوة
انتى تتمنى عودة الامور بينكم
والله اعلم
رايى ونصيحتى ليكى صلى استخارة وحاولى انتى مرة اخرى معه ولو رفض انهى الموضوع ده تماما واعلمى ان ربنا شايلك الاحسن باذن الله
لو لقيتى منه رغبة بالرجوع اقعدوا مع بعض وتفاهموا على كل شئ ويبقى ربنا رايد اصلاح وقتها
لو خالك رجع وانتى مترددة كده تاكدى انك وقتها اللى هتكونى سبب فشل الارتباط ده لان الاهل لما بيدخلوا استحالة التراجع بعدها حفاظا على كرامتهم وكلمتهم
عشان كده احسمى امرك انتى
والله الموفق