[يا رب عفوك]

المشاركة الأصلية كتبت بواسطة يا رب عفوك

يوجد مشاكل بيني و ببن خطيبي وقرر اننا نسيب بعض و دة قبل جوازنا بشهر و لكن الموضوع معلق حتى رجوع خالي من السفر لغلق الموضوع و للحساب بين الطرفين و المفروض انا قاطعين الاتصال الان
و اعدت فترة احلم بخطيبي بشوفة واكلمه وهو مش طايقني و بعدين بتتصالح في الاخر و هو مش بيكون راضي اوي و الحلم اتكرر مرتين تقريبا بس مش نفس التفاصيل
وبعد كدة انا حلمت اني سافرت رحلة مع الكلية بتاعتي لمكتبة الاسكندرية لعدة ايام و اني كنت واقفة في طابور منتظرين ندخل المكتبة و لكني ذهبت انا و زميلة لي لنشتري اشياء من كشك بجانب المكتبة و لكن انا شوفت خطيبي خارج من المكتبة ومشيت و مشي ورايا وكان بيتكلم في التليفون مع زميلة له وبيقول ليها اشتري حاجات حلوة و انا عازمك هدفع تمنها وفضل مستنيني جنب شجرة تقريبا جنب الكشك لغاية ما خلصت شرا حاجاتي انا وزميلتي و جه اتكلم معايا وانا مكنتش عاوزة اتكلم معاة و لكن اتكلمنا بعد الحاح منه وحسيت بحنين ليه واتفقنا نتقابل تاني يوم و هو كان مبسوط و رجعت عند المكتبة لقيتهم دخلوا و روحت اقطع تذكرة انا وزميلتي عشان ندخل المكتبة
ارجو التفسير ان شاء الله

.انا استخرت الله اكتر من مرة بس تكرر الحلم مرتين اني مش عاوزاة وهو الللي بيجري ورايا و بيلح عليا نرجع تاني ونتقابل ونتكلم على عكس اني كنت بحلم العكس الاول اني انا اللي بحاول معاة نرجع تاني و بنرجع بس هو بيتنك عليا
،،،،،كمان بعد الحلم بيوم او اتنين اختة كلمتني عالواتس بس انا مردتش عليها لاني اهلي مانعين الكلام
،،،،*،،وحلمت حلم اخر اني روحت الشقة اللي كنت هتجوز فيها ولقيت الحيطة مش مدهونة عالمعجون و السيراميك متخلع في الصالة بس الاوض متركبة و مدهونة عادي كنت انا وامي و بعد كدة اختة كانت في الحلم عاوزة تأذيني انها تكسر جهازي راحت مسكت مقص و كسرت بيه ترابيزة السفرة بتاعة اخوها قولتلها بدل ما تأذيني أذيتي اخوكي و بعد كدة لقيت حد بيضربها و مبهدلها ضرب وحطوا دماغها في الارض و مكتفين ايديها ودخلت انا اوضة الاطفال لقيت خطيبي فيها وبيتكلم معايا كويس و مخرجش من الاوضة يلحق اختة و هي بتضرب من ناس منعرفهمش و سابها بعد كدة و مشي
ملحوظة ..* ان اختة اللي ظهرت في الحلم دي سبب ان خطيبي يسيبني افترت علينا بالباطل انا وامي في كلام قالتة لامي و رجعت قالت انها مقالتش و اننا كدابين و اقنعت اخوها بدة و حلفت عالمصحف بالكذب وقالتلةاننا عاوزين نعمل مشاكل بينه وابين اهله عشان نقطعه منهم