[الرهينه]

المشاركة الأصلية كتبت بواسطة عاشقة الغروب

انا بقة الى هعلمكوا الطبخ الى على اصولة بابا وماما بيتاخروا برا مبيجوش غير باليل وبعدين انا قررت افاجئ اختى واطبخ اكل بيتى انما ايه مش هقول فانا مبعرفش حاجة ولأنى انسانة عصامية بحب ابنى نفسى بنفسى قررت اعلم نفسى:D فقلت انا هطبخ كشرى ومكرونة :Dوبعدين جبت الرز والعدس ونقتهم وبعدين حطتهم على بعض وبعدين غسلت الرز 6 مرات كل مغسلة يطلع مية لونها غريب لغاية مبقت ميتة شفاف وحطيت الملح وحطيتة على البوتاجاز وبعدحوالى عشر دقايق رحت اشوفة لقيت نصة استوى قوى والنص التانى لسة قمت جايبة معلقة ورميت النص الى مستواش واستنيت اما النص الى استوى بقة حلو وبعدين حطيت زيت وقفلت

نيجى بقة للمكرونة انا جبت مية صقعانة وحطيت فيها المكرونة وحطيت عليها ملح وزيت وسبتعا على النار وبعدين طفيت عليها وغسلتها واتفاجئت ان المكرونة كلها لزقة فى بعض ( اه انا باين اشتريت مكرونة مغشوشة ) المهم جبت صلصة وعصير طماطم وماح وكمون وفلفل اسمر وسبتها وبعد اما طفيت لسه بردة المكرونة لزقة فى بعضها وطمها وبعدين كانت اختى قربت تيجى قررت ارمى كل الى انا عملته ( علشان محدش يحب اكلى واضطر اطبخ كل يوم ) ونزلت اشتريت اكل

هههههههههه مبدعه والله يابنتى .. على رأيك احنا هنلاقيها منين ولا منين كمان هتعملى الاكل

بس بليز ما تجازفيش تانى عشان بعد كده هبلغ عنك

نورتى التوبيك اي جميل بردك اللى زى العسل ده

المشاركة الأصلية كتبت بواسطة شريف الخضري

ياااااااااا انا عندي كواليس كتيرة جداااا

يعني مرة زنيت علي ماما في البيت و صممت اساعدها في المطبخ

حنية بقا

هههههههههههههههههههههه

المهم دخلت و كانت اول مرة اقلي فيها بطاطس

تعرفي عملت ايه

حطيت البطاطس بميتها علي الزيت المغلي

مش قادر اقولك علي اللي حصل و النار اللي طلعت

طبعا انا سبتهم و جريت و لا اعرفهم

ههههههههههههههههههههههه

بس دي كانت من اكبر الكواليس و فيه تاني لو عاوزة

ده انا مسجل خطر في المطبخ

و ميرسي علي موضوعك

شكلك هتبقى مسجل خطر فى الموضوع برده :D

حلو انك تبقى متعاون بس مش حلو ابدا انك تستندل وتسيبهم ع النار ولا كأنك تعرفهم

منور الموضوع بردك الجميل ده وعايزين نعرف باقى الكواليس