الهدف المرعب
صرفوا عشرات الملايين وقالوا هيضحكونا -فقلنا وليه لأ -تضحك
وبعد الفطار على طول - قلنا دا كرم زيادة - وأهو الضحك يساعد فى الهضم
هيجيبوا لنا حاجات فريده من نوعها - قلنا ومالوا - نشكر الريالات والجنيهات والدولات اللى هتتصرف لتبهجنا
وكعادتهم وكعادتنا - هما يقولوا واحنا نصدق
جابوا لنا كل أدوات الرعب - تعابين وأسود - ونيران وحرائق - وأخيرا داعش وقنابل
فلقينا الركب اللى بتنتفض بدل المعدة - والهضم توقف - والرعب ملى المكان
طب احنا ونستاهل - طب ذنب أولادنا الصغار إيه؟
سؤال عارف إن مفيش حد هيهتم بيه
لأن فيه مسؤليين عارفين أننا راكبين فى السبنسه معاهم فى قطر البلد
وبيقولوا لنا احمدوا ربنا أنكم شبطوا معانا أصلا وسمحنا لكم تكونوا معانا
من قاموا على البرنامج أخدوا الملايين- والضيف جففوا عرقه ونجدوه من رعبه بـ20ألف دولار
وعملوا زى نخب الفضائيات يتنقلوا من برنامج لأخر هما هما -- شكله موسم ولا إيه؟
واحنا وأولادنا أخدنا التقيلة (رعب فى الركب وكسل فى المعده ) ويجعلوا عامر - ويامه فى الجراب ياحاوى
من ناس شكلهم قالوا لهم أن الشعب مرحرح ومسخسخ فى الرفاهية فارعبوه
المهم والأهم --- الشعب هيترعب أصلا ؟؟؟؟؟!!!!!!
__________________
الحمد لله
آخر تعديل بواسطة أ/رضا عطيه ، 20-06-2016 الساعة 01:14 AM
|