سؤال مهم جدا للأخ بتاع المجلس اللي بيتكلم عن إمكانية حل النزاع لو حتي" بالاستفتاء الشعبي" .
هل ممكن أن نجري استفتاء شعبي لبيع او التنازل عن محافظة اسكندرية مثلا لدولة اخرى، ولو نسبة الاستفتاء كانت نتيجتها 51 % نبيع ؟ !!
المنطق وأصحاب العقول وحتي الأغبياء بيقولوا لا مينفعش نبيع اراضي الدولة للأجانب .
طيب معلش سؤال تاني .
هل ممكن أن نجري نحن المصريين استفتاء شعبي لبيع محافظة "أبها" الموجودة بالسعودية ؟!!
أيضا المنطق وأصحاب العقول وحتى الأغبياء بيقولوا لا مينفعش لأنه ليس لنا الحق في بيع أرض لا تخصنا .
طيب اذا كان ليس لنا الحق نحن كمصريين في التنازل عن أرض تخصنا ،أو لا تخصنا "يبقي السؤال" ايه العك والهري والهبل اللي الحكومة بتعمله ده ؟ !!
المنطق والعقل والهبل بيقولوا ان اللي بيدعي ان له حق عند اي حد هوا اللي بيدور عليه بنفسه، ويشوف محكمه محايدة ويقدملها كل الاثباتات التي يملكها لإثبات حقه واقصد بكلامي ان "السعودية "هي اللي تقوم بالدور ده .
واحنا هنا في مصر المفروض نقدم مايثبت لتلك المحكمة المحايدة بأن الأرض دي تخصنا وندافع عنها ونعمل اللي علينا وزياده.
لكن للأسف اللي بيحصل ده لا يدل الا علي" اننا من يحكمنا لا يتورع عن بيع أراضينا واعراضنا وان مجلس الشعب الباطل والقضاء المسيس يشاركون تلك العصابة في هذه اللعبة "..... "
وحسبنا الله ونعم الوكيل