نكمل موضوعنا
industerial microbiology دى بقي علم كبير بيشوف ازاى البكتريا او الفطريا بيستخدموها في الصناعات زى مثلا تصنيع الادويه ازاى البكتريا يستخلصوا منها مواد تستخدم كمضادحيوى لبكتريا اخري وكذلك الفطريات لخ
او مثلا نشوف الفطر دة بيفرز مواد كميائيه ولا لاء وازاى نستخلصها وطبعا يدخل معانا شغل الكرموتوجراف وفصل المركبات الكميائيه في الحته دى
ونشوف تاثيرها ع البكتريا كمضادات حيويه
او بردو الفرع دة يدرس دور البكتريا في صناعه الجبنه ودور البكتريا في صناعة ماسمى بالكمبوست وتحويلها لمواد مفيده
والكمبوست دة بيبقي عبارة عن الزباله و روث الحيوانات
ودور البكتريا في تحويل الكمبوست دة في درجات حرارة عاليه وكدة الي مواد بتروليه ومواد اخري صالحة للاستخدام
وبردو العلم دة بيشوف تطبيقات البكتريا وعلم الانزيمات خصوصا في تحليلل المركبات الكميائيه
يعنى مثلا في حرب الخليج كان هناك سفن بترول قد اغرقت بالكامل في مياه الخليج
ودة ادى الي تغطيه مياه الخليج بالبترول
فيجى بقي دور البكتريا في تحليل البترول للي ع وش الميه
وبردو العلم دة بيشوف تطبيقات الطحالب في ازاى ننقي مياه الصرف الصحى ونحولها لمياه صالحة للاستخدام ويمكن انا حضرت بنفسي مناقشه دكتوراه في تطبيقات الطحالب لتنقيه مياه الصرف الصحى
biology of cancer دة بقي علم بيولوجيا السرطان
دة بقي بيبحث في انواع السرطان ومسببات السرطان وازاى بيحصل السرطان
من اول نقطة لغايه اخر نقطة
من اول ما يحصل خلل في الدى ان ايه لغايه مايحصل انتشار الخلايا السرطانيه في الجسم كله
والعلم دة بردو بيدرس الجينات اللي بيحصل في الخلل
يعنى جين مثلا ٌrb ودة موجود في العين لو حصل فيه خلل بيحصل سرطان في شبكيه العين
وازاى الجسم بيقدر يقاوم خلايا السرطان عن حاجة اسمها انتى اكوسدانت وازاى لو فشل الانتى اوكسدانت في علاج الخلل دة يروح الخلايا الجسم نفسه بتتحر وتموت نفسها عشان يتخلص من السرطان وازاى بالرغم من دة كله خلايا السرطان بتقدر تنتشر
يعنى موال طويل اوى
وبعدين تدرس حاجة اسمها tumar markers وهى ما تسمى بدلا لات الاورام
ودى مركبات كميائيه بتبقي موجودة في الجسم لما بيحصل السرطان
وازاى بتقدر تقيس المواد دى في الجسم
فاصل ونواصل
|