(23) علوم البترول الجيولوجية: القسم موجود فى كليات العلوم جامعات القاهرة والاسكندرية والمنيا والاسماعيلية وبورسعيد والمنوفية والمنصورة واسيوط والزقازيق وغيرهم وفى بعض الجامعات القسم ببلاش وفى البعض الاخر بمصاريف ، فى القاهرة ب 8 الآف جنية + 10% زيادة سنوية وبتدفع بالترم (4 الآف جنية اول ترمين فقط ثم تطبق الزيادة السنوية) ، فى اسكندرية ب 11 الف جنية ، والقسم مش حلو للبنات لان اغلب شغله فى الصحرا وفيه سفر كتير ، مبتكنش مهندس بترول بتبقي جيوفيزيائى او مهندس جيولوجي ، مشكلة القسم ان شغله صعب تلاقيه ولدرجة ان فى ناس تقولك معكش واسطة متدخلوش لانك مش هتلاقى شغل ، فى اسكندرية القسم افضل من القاهرة لانه بينزلك تدريب فى شركات البترول من سنة تالتة، وبياخد فوق ال45 فى الانجلش بتاع ثانوي ، وبيعملك انترفيو ، وبيكون ليهم مبنى خاص بيهم ومعامل خاصه بيهم ، عكس القاهرة بيدخل القسم اى حد هيدفع الفلوس ومفيهوش اى ميزة من الموجودة فى اسكندرية لا مبنى خاص ولا معامل خاصة ولا اى حاجة ، وبتدرس مقررات جيولوجيا وجيوفيزياء ودى تعتبر الميزه الوحيده للقسم ، وشغله هو نفس شغل اقسام جيولوجيا وجيوفيزياء والفرق فى المقررات اللى بيدرسها كل قسم وهى كالاتى: علوم البترول: (24) مقرر جيوفيزياء + (21) مقرر جيولوجيا + { (6) مقررات رياضة + (5) مقررات كيمياء + (5) مقررات فيزياء + مقررين انجلش } دول 23 مقرر ملهمش علاقة بتخصصك ولا بمجال شغلك بتدرسهم عشان اللايحة وبس.
جيوفيزيا منفرد: (29) مقرر جيوفيزياء + (8) مقررات جيولوجيا.
جيولوجيا منفرد: اول مقررين جيوفيزياء + (52) مقرر جيولوجيا.
كيمياء / جيولوجيا: اول مقررين جيوفيزياء + (28) مقرر جيولوجيا + (22) مقرر كيمياء.
مواده:
http://sareg.sci.cu.edu.eg/pdfs/plans/27_26.pdf