[هانى الشرقاوى]

وإن منكم إلا ورادها كان على ربك حتما مقضيا
ده شعار طلبة اللغات
فى كل مكان هتلاقينا
ههههههههه
أول يوم ده كان غريب أوى

سألت واحد مدرج اولى فورى فين ؟
قالى انت فى أولى ...قلتله أه ...أخدنى معاه وحضرت محاضرة ...وفضلت أحضر كذا يوم لحد لما اكتشفت فى الأخر إنى كنت بحضر غلط ...لأانى فى تمهيدى مش فى أولى

وبعد لما عرفت مدرج التمهيدى فين ..مدرج 11 ...أبص للطلبة ...شكلهم حلو أوى
نصهم مش طايق نفسه ودول طلبة العلمى ...كلهم راحت منهم الهندسة على نصف درجة وعلى درجة وكبيرهم على درجتين
وطلبة الأدبى بيقولوا على القسم طب أدبى وفرحانين على الأخر
العيال شكلها مش عاطفى ...والكلية شكلها مش عاطفى
وكل دكتور يدخل يفضل يرطن بالأنجليزية لحد ما العيال كانت هتنتحر

كل ما أقابل واحد يقولى انت علمى ولاى ادبى ؟؟
أقوله علمى
يقولى جبت كام
أقوله جبت 98.3 .يبقى عايز ينزل ضرب فيا
وأكتر كلمة سمعتها فى اليومين دول كلمة ليه ؟
ليه مرحتش طب ؟ ولا صيدلية ؟ وايه اللى جابك هنا
طب لما انت عايز لغات ...ليه دخلت علمى من الأول
هههههههههههه ليه ؟؟؟
ليييييييييييييييييييييييييييييييييه ؟؟؟؟