اقتباس:
المشاركة الأصلية كتبت بواسطة (( لؤلؤة الايمان ))
الاول الف مبروك يا دكتورة يا قمر
وعقبال شهادة التخرج ان شاء الله
وانتى بقى كنتى فرنساوى ولا المانى
لو فرنساوى ممكن تقوليلى ممكن اذاكره ازاى لانه عاملى عقدة
|
الله يبارك فيكي امين يارب ويوفقني فيها
انا بقي كنت فرنساوي طبعا دي ماده رائعه بس انا كنت باخدها من اعدادي فكان عندي فكرة بس برده الشغل الاكيد كان من ثانوي بس ان انتي تقولي عندي عقده كده غلط لانك طالما قولتي انا عندي عقدة وكررتيها اكتر من مرة مخك بيقبلها ويدعمهالك ويكبرهالك وده احنا مش عاوزينه انتي كده تستاهدي بالله وتقولي دي ماده رائعه وخفيفه
الطريقه بقي هي انك تنصتي في درسك كويس عشان تفهمي الجرامير وتيجي تراجعيه وتطبقي عليه والكلمات طبعا بتتحفظ ده اكيد جداجدا والمواضيع المشهورة عندك لازم تتحفظ
ميزة الفرانساوي انه معظمه اسئله مخصصه يعني اماكن تتحفظ شخصيات تتحفظ مفيهوش لعب المهم الجرامير بقولها تاني اهوه
نيجي بقي للدوكيمو او الوثيقه ده لو عندك لغه في الانجليزي هتساعدك في فهمها وطبعا التخمين والاحساس الحاجه الصعبه كنت بحس بمعناها بجد وغالبا مش هتحسي بسهولته الا لما تخلصيه
الكتاب برافو رائع وكمان ميرسي الاحسن واحد منهم بس عشان التشتت وافضلهم ميرسي
واي حاجه عاوزة تسالي فيها انا في الخدمه بس خلي بالك من كام حاجه كده
1/انتي عندك انجليزي وفرنساوي في نفس السنه طبيعي هتبقي مقريفه شويتين بس بارادتك وكفاحك هتعدي
2/الفرنساوي في 2 مهدور حقه ومهضوم من ناحيه بتستصعبيه ومن ناحيه مابتذاكريهوش كتير وبتبقي مشغوله في الباقي فشوفيله وقت
وطبعا معرفشي في نظامكم الجديد تقسيمه المذاكرة هتبقي ازاي ربنا في عونكم