عشان ما نضيعش وقت بعض الرجل اليصلح لحكم مصر هو من يختاره شعب مصر بدون ما نلف وندور و نقول البرادعي ماحصلش لا ده البرادعي ماينفعش.
لكن الشعب هايختار ازاي طالما ان الانتخابات مزورة؟ ده هو بيت القصيد زي ما بيقولوا, عشان نستريح لازم تكون الانتخابات حقيقية, عشان يجي واحد قلبه على مصر والمصريين لازم شعب مصر هو اليختاره "بدون تزوير وبدون وصاية من أحد", غير كده يبقى بنضحك على بعض لأنه مافيش واحد كويس او بيحب مصر هايرضى انه يزور انتخابات او انه يحكم بالتزوير. طالما فيه تزوير تعرف انه كل حاجة غلط فما بني على باطل فهو باطل.
ازاي نغير الوضع ده؟
الفكرة بسيطة من خلال
التوقيع على بيان التغيير. التوقيع على بيان التغيير مش معناه اختيار البرادعي رئيسا "عشان الرافضين للبرادعي" لكن معناه انك موافق على السبع نقط دول:
1. إنهاء حالة الطوارئ
2. تمكين القضاء المصرى من الاشراف الكامل على العملية الانتخابية برمتها.
3. الرقابة على الانتخابات من قبل منظمات المجتمع المدنى المحلى والدولى.
4. توفير فرص متكافئة في وسائل الإعلام لجميع المرشحين وخاصة في الانتخابات الرئاسية.
5. تمكين المصريين في الخارج من ممارسة حقهم في التصويت بالسفارات والقنصليات المصرية.
6. كفالة حق الترشح في الانتخابات الرئاسية دون قيود تعسفية اتساقاً مع التزامات مصر طبقاً للاتفاقية الدولية للحقوق السياسية والمدنية، وقصر حق الترشح للرئاسة على فترتين.
7. الانتخابات عن طريق الرقم القومي. ويستلزم تحقيق بعض تلك الإجراءات والضمانات تعديل المواد 76 و77 و88 من الدستور في أقرب وقت ممكن.
و دي نقط لا اعتقد انه في اختلاف عليها ولاتعنى انتخاب البرادعي او غيره, نتيجتها المباشرة انتخابات حرة نزيهة بجد, انتخابات حقيقية بدون تقفيل لجان وضرب الناخبين بالبلطجية. ده الاحنا لازم نركز عليه ونتمسك به حقنا في حرية الانتخاب.
لكن هايظهر احسن واحد في الدنيا عشان يحكم مصر, طب هايحكم ازاي, والانتخابات مزروة؟ الحل هو مساندة حركة التغيير لتحرير صندوق الانتخابات وبعد كده ننتخب من نشاء.
اقتباس:
|
على فكرة يا جماعة البرادعي ده بنتو مش مسلمة يعني مرتدة و متجوزة واحد بريطاني مش مسلم
|
ده كلام لا يصح ترديده خصوصا ان من اطلقه هم عيال التزوير. مسؤول دبلوماسي سابق في السفارة المصرية في فيينا أكد ان ابنة البرادعي تزوجت زواج اسلامي شرعي ده رابط الخبر
http://dostor.org/politics/egypt/10/september/7/27917