هام للى عاوز يدخل فنون موضوع عن الطبيعه الصامته والحية
اذيكم يا احلى و اجمل اعضاء بالدنيا
حبيت اتكلم شويه عن الطبيعه الصامته
يعنى ايه طبيعه صامته
هى اتجاه من اتجاهات التصوير الكتيره و الجميله
فيه بنرسم الجمادات بس ذى الفاكهه الاباريق الكراسى الكتب
اى شئ من حولنا لا يدب فيه الحياه و اكيد يكون العنصر فيه شئ جمالى شدك و جذبك ليه
طيب اعمل ايه عشان اصور لوحه طبيعه صامته ناجحه
اول حاجه نبتدى ندور على عناصر ذى ما قلنا فيها شئ جمالى ماشى يا احلى اعضاء
بعد كده ياريت تكون عناصر متشابهه الى حد ما يعنى مثلا كتب و شمع و ازهار كده لايقين مع بعض
نحطهم بشكل فنى حلو نراعى التراكب الحجوم ياريت يكون فى تنوع فى الحجوم
نراعى وجود الفراغات بشكل جيد
التناسق اللونى يا ريت
طبعا يا حلوين نشوف زاويه كويسه نرسم منها
اكيد طبعا نظبط الاضاءه عشان الظل و النور
لو فى عنصر مهم ياريت نبرزه و نحطه فى مكان واضح
هقول تانى نراعى الالوان
طيب لو فى لون فى الطبيعه مش ماشى مع التكوين
خلاص ياريت نغيره
يعنى مثلا لو مزهريه فيها زهر البنفسج يبقى لون المزهريه مثلا ذهبى
ماشى يا حلوين
فى فنانين كتير طبعا امتعونا باجمل لوحات للطبيعه الصامته
طبعا فى موضوع تانى هعرفكم اذاى تجهزوا اللوحه و الالوان تكنيك كل نوع الوان ذى الزيت و الجواش و المائيه كده يعنى
يلا نشوف شويه صور كفايه كلام
ملاحظة اللى ناوين يدخلوفنون
امتحان القدرات اتغير
بقى عبارة عن 7 ساعات
4 ساعات سيطلب منك رسم (تعبير فنى _ طبيعه صامته _ طبيعه حيه )
الطبيعه الحية سيتم شرحها فيما بعد
ساعتين (تصميم ابتكارى)
وساعة معلوومات وثقافة عامة على الفنانين وكده
وطبعا احنا ماشاء الله على الثقافه ممتازين اوى وعارفين كل حاجة 
اتمنى ان الموضوع ينال اعجابكم
آخر تعديل بواسطة Jehad Mohamed ، 01-05-2011 الساعة 05:25 PM
|