تنسيق 2012 هيكون حاجة من الاتنين مالهومش تالت :
ادينا بنقول من دلوقتي عشان الناس اللي طالعه تالته تشد حيلها ...
الاحتمال الاول : ان الامتحانات نصفها هييجي صعب فرتكة ...
زي ايام زكي بدر كدا ... و التصحيح برده هيبقي زي زكي بدر
و دا في مصلحة الناس اللي منشنة علي كليات القمة ...
و ساعتها التنسيق بتاع 2012 هيكون زي تنسيق 2011 اللي هو متوسط تنسيق 2009 و 2007
الاحتمال التاني و الناس اللي طالعة تالته لازم تدعي ربنا انه ما يحصلش :
ان الامتحانات هتيجي سهلة موووووووووووووووووووووووووووووووووووز - زي 2011 مرحلة اولي و تانية -
و ساعتها بقي يا حلو الكليات كلها بتاعت القمة هتاخد من فوق ال 100%
يعني هيكون الحد الادني لطب مثلا : 99,5%
و دا كلام حقيقي مش هذيان ..
تيجي تسألني ليه ( طبعاً بحكم ان انا طالب خلصت ثانوية عامة و اخويا مخلص قبلي و اقدر افيدك في المواضيع دي ) :
انا السنه اللي فاتت ( تانية ثانوي ) جبت 200 من 205 و ترتيبي كان ال 7.000 علي الجمهورية ( السبعة الاف )
السنه دي ما شاء الله , في ناس جايبة 203 و ترتيبها ال 10.000 علي الجمهورية ( العشر الاف )
شوف الفرق ؟!
مجموع عالي جدا , و ترتيب مش كويس خالص
ايام زكي بدر : المجاميع مش عالية , و الترتيب علي الجمهورية كويس الي حد كبير ...
خلاصة الكلام لو امتحاناتكو في تالته جت سهلة يبقي هتولع نااااااااااار
ادعوا ربنا انها تكون صعبة , وشدوا حيلكوا من اول السنة
طبعا الكلام اللي انا بقوله دا لا يدفع الي الاحباط , ولكنه حث علي المذاكرة لاننا لم نصل بعد الي بداية العام الدراسي الجديد
الفرصه قدامك .. هل من مجيب ؟؟؟
|