[أ/رضا عطيه]

المعارضة فى مصر لم يقرأوا فى كناب المعارضة سوى الصفحة الأولى والصفحة الأخيرة

(الصفحة الأولى ) شارك فى كل الانتخابات فى كل المواقع

(الصفحة الأخيرة ) عندما تجد الطوفان عال عليك انسحب حفاظا على كرامتك وكرامة حزبك

لما رئيس وهيئة أكبر وأقدم حزب فى مصر ليس لديهم القوة والحماس للتنافس على رئاسة الجمهورية

يبقى مين هيتنافس فى المرات القادمة -

يبقى هما هما ومن نفس المؤسسة التى تبدع فى صناعة القادة والرجال

ويرجعوا الغشلة يزعلوا وبدل مايلعنوا فشلهم يقلوا أدبهم على نجاح غيرهم

والبلد فيها أكتر من 100حزب ومقاراتها منتشرة فى كل المحافظات

طب مادام المقرات دى مجرد فنادق لنجمعات الأعضاء بلاعمل ولاخطط ولاطموح

طب مايتبرعوا ببعض هذه المقرات للتعليم لتخفيف الازدحام فى الفصول

ولادنا مش لاقيين أماكن يتعلموا فيها
وهايتحسب لهم عمل وطنى مالوش مثيل

الحزب اللى بيفشل رئيسة فى الوصول للرئاسة فى امريكا وانجلترا والمانيا بيشارك فى إدارة البلد فى وضع خطط بديلة للحكومة -
ومعايشة مشاكل الشعب والعمل على حلها وكأنهم فى الحكم

لكن عندنا المعارضة وأحزاب المعارضة بيدربوا أشبالهم على توزيع الشتائم والإهانات لكل طوائف الشعب عن طريق الإنترنت

ويوصفونا ببلد متخلفة وشعب مش عارف مصلحته

طب مصلحة الشعب مع صاحب القرار ولا مع العاطل الفاشل اللى شغال شتايم ليل ونهار !

تفتكر الأحزاب اللى فشلت فى اختيار رئيس لها لسنوات هتفهم الكلام ده ولا هتوصفه بتخاريف مواطن

انا هريحهم وهعترف انها تخاريف من مواطن يسكن الريف