[أمل ونور]

المشاركة الأصلية كتبت بواسطة نورا مهدى

عندى سؤال مهم جدا جدا

أنا سمعت ان الصيدلة هى اللى فيها أجازات بس فى المجمع الطبى

*ايه بقى النظام فى طب الاسنان؟؟ يعنى فى نصف السنة والصيف و الجمعة

*بالنسبة للامتحانات ايه ؟؟ يعنى السنة كلها زى ثانوى ولا ترم و لا ميد ترم

* الدراسة فى السنة الاعدادى بيبقى نفس منهج ومواد اعدادى صيدلة ولا بتختلف؟؟

أرجو الرد بسرعة لأنى قلقانة جدا

تمنياتى لكى نجاحا دائما

يانهار أبيض

مين قال ان احنا مبنخدش أجازات

في إعدادي وأولى وثانية أسنان بناخد السبت أجازة مع الجمعة طبعا وأجازة الصيف كاملة ونص السنة وكل حاجة

بس بعد كده في ثالثة ورابعة بناخد الجمعة بس وكمان بتنزلوا عيادات في الأجازة بس مش عارفة النظام بالضبط بتاعها إيه .

بالنسبة للامتحانات النظام مختلف شوية ... في أخر السنة لازم تمتحني في كل المنهج لكن في امتحان ميد تيرم وتيرم بس درجاتهم بتبقى صغيرة خالص بالمقارنة بالفينال يعني مثلا في إعدادي كان امتحان التيرم عليه 15 درجة بس والميد تيرم 5 درجات وكان في 30 للعملي متقسمة بين الترمين و 50 بقى لامتحان ال final اللي هيكون في كل المنهج

بالنسبة لسؤالك عن مواد إعدادي .. انا معرفش والله إعدادي صيدلة بياخدوا ايه .. بس عندنا إعدادي القاهرة بناخد 5 مواد فيزياء وكيمياء ونبات وحيوان وإنجليزي (medical English ) ... وبتبقى السنة كلها في كلية علوم ...

(الكلام ده كله عندنا في القاهرة معرفش والله هو نفس النظام في بقية الكليات ولالا )

أتمنى أكون أفدتك وأي استفسار تاني اتفضلي ..