يا ناس اتقوا الله ..... حرام عليكم
مين يقبل يدفع من رزق عياله 900 جنيه ولا 1200 ولا اقل عشان شهادة ...... والله من يفعل هذا لترتد عليه خساره وخراب .... ليه ما تذاكر ساعه كل يوم وتذاكر مع مدرب كويس حياخد عشر المبلغ ده وتبقى كويس قدام نفسك وزمايلك .
وبصفة عامة كل الشهادات اللى مشريه بالفلوس بتتعرف بسهولة واحب اوضح النقطة دى
بتكون الشهادة Un وليس EGY لان اليو ان ليس لها موقع على الانترنت تعرف منه نسبك و هل رقم صحيح ولا لا اما المصرية فهى تحت اشراف وزارة الاتصالات والتقرير الخاص بها منشور على موقع الوزاره لاى حد ممكن يطلع عليه
وعلى فكره يمكن بسهولة جدا كشف الشهادات المزوره فى UN عن طريق الاتصال التليفونى بمكتب اليونسكو بالقاهرة والتعرف على مدى صحة الشهادة
وفعلا دى اللى حصل مع عدد من المعلم المساعد فى محافظة ........ وتم كشفها عن طريق السادة العاملين باكاديمية المعلم واصبحت مشكلة كبيرة له فضطر صاحب الشهادة لالغائها والحصول على اخرى جديدة فى وقت قصير جدا كلفته مدرب مخصوص بمبلغ تعدى الالف جنيه
فنصيحة منى بالاش الغلط ده وخليك فى الصح والحصول على الشهادة سواء عربى او انجليزى افضل مليون مره من سرقتها ايوه سرقتها وانتم عرفين اللى بيسرق او يزور اسمه ايههههههههههههههههههههههههههههههههههه
وانا اعرف فى ادارتى مثلا ناس كتير جدا حتى سن 59 والله خدوها وبدرجات عاليه جدا خصوصا بمساعدة المواضيع المنشورة فى هذا المنتدى المحترم.
واتمنى ان تقوم وزارة التربية والتعليم باعتماد الشهادات التى تصدر من القاعات التابعة للتطوير التكنولوجى فقط ووزارة الاتصالات لان فعلا المركز دى مظبوطه وعليها رقابة من اكثر من جهة اما الشركات الخاصة فيشوبها الكثير من اللغط
فعلا وبام عينى والله اصبحت الشهادات المزوره اللى ليس لها اى اساس فى اليونسكو ورقمها مضروب منتشرة جدا فى مدارسنا وادارتنا بصورة مبالغ فيها جدا ..... لازم يكون هناك وقفة للوزارة فى هذا الامر
|