اقتباس:
المشاركة الأصلية كتبت بواسطة msaid3
يا دكتورة سارة أولا ليك الشكر علي الاهتمام نخش في الموضو علي طول
الشكر لله يا دكتور
أولا أنا علي حد علمي دي بعض المواد اللي بتدرس في اعدادي حيوان , فيزياء , رياضيات ,
يعني ممكن أعرف المواد ده ممكن فيد الصيدلي ازاي بعد التخرج!!!!!!
المواد دى مواد اساسية وبيتبنى عليها السنوات المقبلة
واحنا اخدنا حاجات فى المواد دى ماخدتهاش صيدلة القاهرة
لدرجة انى مرة بقول لصاحبتى تعرفى تشريح respiratoty system
قالتلى انا معرفش معنى الكلمة اصلا طب بالله عليك ازاى تبقى صيدلة وتتدرس تاثير الادوية على الجسم وانت متعرفش حاجة اساسية زى كده مينفعش طبعااااااا ولا ايه راى حضرتك ؟؟؟؟؟؟؟؟؟؟
فى مادة zoology عبارة عن قسمين physiology&histology بتاخد الاجهزة المختلفة فى الجسم عشان بعد كده لما الدكتور يقول تاثير دوا معين على جزء من الجسم تبقى فاهم
وبردو فى الرياضة بناخد تكامل احتاجنا فى الكيميا الفيزيائية فى حل المسائل وهنحتاجة السنين الجاية
الفيزيا احنا اخدنا فيزيا حيوية ودى مش موجودة فى كل كليات الصيدلة حاجة بتنفرد بيها كليتنا وبعض الكليات التانية
اخدنا action potential وتاثيره على الخلية العصبية ووصفه واخدنا طريقة عمل بعض الاجهزة الطبية ecg(جهاز رسم القلب) وغيرها
بصراحة انا من رايى المواد دى من غيرها ولا تبقى فاهم حاجة فى اللى جى
ولا ايه رايك يا دكتور؟
ثانيا برده ماحدش برده قدر يفسر علامة الاستفهام الكبيرة اللي علي النظام الجديد اللي هوا التعليم المميز طب و اشمعني هوا اللي خلوه نظام جديد
و علي فكرة أحب اوضح برده ان كتير من جامعات مصر منها القاهرة و حلوان كانت تبع النظام القديم و حولوا , طب ده برده معناه ايه!!!!
زى ما قولتلك مجرد تغيير فى ترتيت المواد على السنين لكن فى الاخر احنا الاتنين نفس المواد وانا وضحتلك انهى الافضل من وجهة نظرى والسبب
ثالثا أحب اوضح أن السنة الأولي علي النظام الجديد أه بالتأكيد بتبقي أصعب من الأعدادي لكن ده في الأخر بيطاع صيدلي أقوي وعارف أكتر , و بالنسبة حتي لل ceutics فهو بصراحة ممكن يكون أضعف قسم في القاهرة , لكن الحال مش أحسن كتير في عين شمس ,
انا مش عارفة بس انت مين قالك القسم ضعيف ومش صعيف يا ريت بس متقولش حاجة انت متعرفهاش
لعلمك قسم الceutics احسن قسم علميا عندنا والمادة مليانة وقيمة
وبتطلع صيدلى تمام وفاهم كويس
لو عايزين بقي نسرد مزايا النظام الجديد , فحدث و لا حرج!!! مثلا مادة pharmacology علم الأدوية عين شمس بيدرسوه سنة واحدة فقط!!! في حين النظام الجديد بيدرسه تلات سنين , و ال clinical pharmacy اللي هيه مستقبل الصيدلة , عين شمس بياخدو فيها عناوين بدليل انهم بيعملوا دبلومة للخريجين فيها و لو مش متأكدة الإعلان ده موجود في موقع الكلية ده غير الدكتور اللي اسمه اسامة بداري رئيس قسم الكلينيكال اللي عذرا مافيش طالب اللي لما بيشتم فيه!!!! النظام الجديد ادلها مساحة أكثر من الكافية .
انا مسمحش لحضرتك تشتم فى دكتور او تقول عليه كلام
انا ماخدتش المادة دى لسه بس انا سالت واحدة قالتلى انها كويسة ومسمعتش الكلام اللى بتقول عليه ده
ممكن تكون حضرتك بتسال ناس بتجيب تقديرات قليلة يعنى هى اصلا مش شاطرة فعشان كده مضايقين من الدكتور
الوقت اللي فيه طلبة النظام القدديم بيدرسوا علم حيوان و فيزياء بيكون فيه طلبة النظام الجديد بيدرسوا فيه مواد حتنفعهم بجد
فعلا انا أول واحد حاكون فرحان لو عين شمس حولت نظام جديد!! ( أنا حتي بالنسبالي عين شمس في المسافة أقربلي كتير جدا)
انا بصراحة شايفة ان النظام ده كويس جدااا وصيدلة عين شمس ميختلفش عليها اتنين فى مستوى الطلبة اللى بيتخرجوا منهم
و كمان حاجة أحنا دلوقتي بنشوف ان هندسة القاهرة تفوقت علي هندسة عين شمس لييه؟؟؟ عشان القاهلرة برده في هندسة عاملة النظام الجدبد اللي فيه التخصص بعد سنة أولي , أما كلية هندسة عين شمس قالتخصص بعد سنة تالتة !! و أكيد كلنا خدنا بالنا ان السنة اللي فاتت هندسة القاهرة خدت مجموع أعلي من هندسة عين شمس .
و مش محتاج أتكلم عن طب القاهرة ( القصر العيني) اللي هوا أحسن بمراحل من طب عين شمس!!
بعد ده كله المشكلة في عين شمس أنها ابتدت أكتر من رائعة ( علي فكرة صيدلة عين شمس بدأت العمل سنة 1995 ) لكنها للأسف ماطورتش من نفسها , مناهج أقل تطور حتي من الجامعات الأخري!!
|
مناهجها اقل تطورا !!!!!!!!!!!!!!!!!! امال ازاى الطلبة اللى بيتخرجوا منها بيكون مطلوبين جداااااااا وبيكون مستواهم العلمى عالى
متحكمش على المناهج غير لما تشوفها بنفسك
وعلى فكرة احنا عندنا نظام جديد مش موجود فى صيدلة القاهرة
نظام اسمه التصنيع الدوائى drug design
والنظام ده بياخده فيه صيدلانيات من اول سنة بردو ب 12 الف فى السنة
ممكن حضرتك تدخله بس انا عن نفسى مش بفضل النظام ده