[mr m h a]

المشاركة الأصلية كتبت بواسطة عمران جابر مهني

نفس مشكلة حضرتك هي مشكاتي تماما كانك بتحكي حالتي ولا يوجد حل

يا سيدي احمدوا ربكم إن إنتوا اتنقلتوا . دلوقت بقا بيقلك انقل الدرجة الاول قبل الاخلاء . يعني أنا قعدت تلت سنوات اعمل ورق واجيب موافقات وبعد مطلع الامر التنفيذي بنقلي من القاهر للفيوم وخدت موافقة لجنة شئون عاملين هنا وهناك قالت الاستاذة القاعدة مستريحة على المكتب وانا بقالي ثلاث سنوات جري من الادارة للمديرية للمحافظة في القاهرة والفيوم " يا أستاذ مفيش نقل إلا لما تنقل الدرجة هما التنقلوا درجاتهم كانت اتنقلت " طيب يعني أية حضرتك " "يعني روح اعمل اجراءات نقل الدرجة " "يعني اعملها فين " "روح الفيوم وهما هيقولولك " ولما رحت المديرية بالفيوم تنقلات خارجية قال الاستاذ " عايزين جواب موافقة شئون عاملين القاهرة وجواب موافقة شئون العاملين الفيوم وصحيفة احوال ورقية وصحيفة أحوال الكترونية طبعا مختومين من الادارة بتعتك وصورة من الامر التنفيذي وتاخد الجواب دا كمان موافقة مدير شئون العاملين ووكيل الوزارة وتختموا وتروح بالاوراق دي التنظييم والادارة " طبعا الحاجات دي لما تقراها سهلة لما تعملها بمشاوير ووجع قلب ومتنساش انا ليا ثلاث سنوات بعمل ورق علشان اخد الامر التنفيذي من الوزارة وعملت كل ده ورحت التنظيم والادارة وبعد كل دا رحت اسال الدرجة اتنقلت قال البيه " كل الترقيات البعد 2010 درجاتهم مشهتتنقل لان الوزارة معتمدتهاش " ودخلني في متاهه الفهمتوا منها إن أنا لازم ابدا الموضوع من جديد من اول تقديم طلب النقل زي الفيلم بتاع فاتن حمامة "أريد حلاً" واضطريت اعمل انتداب لما لقيت باب النقل مسدود وعلى فكرة انا تعيين 97 ومواليد الفيوم وتربية انجليزي الفيوم وتعيين الفيوم وكانت غلطة عمري أني نقلت القاهر في 2004 بورقة واحدة كتبتها في الوزارة ونقلوني القاهرة ولا حد يومها قالي لا درجة ولا كان فيه كادر ونقلوا الدرجة للقاهرة في نفس السنة وانا الآن لا اعرف اي حل لكي انقل من القاهرة للفيوم ومشعارف قوانين أيه ولا ايه المشكله إن مدرس يرجع بلدة الفيها عجز ويترك القاهرة الملوش فيها لا سكن ولا أقرباء والفيها زيادة في المدرسين وفق إحصائيات المديرية والتنسيق الاعدادي لو حد عندو حل يقولي وشكرا .