س : طيب ازاي اختار الألوان ؟
ج : بص أولا هيا الحكايه دي موهبه في الأول و في الآخر و ذوق الفنان و المصمم اللي بيشغل بس احنا ممكن ناخدها بطريقه علميه شوية ... يعني ايه ؟
بمعني اننا لو هنختار لون هنختار حاجة متتعبش العين لان العين بتهرب من اللي بيتعبها
لو لاحظت انك لما بتبص لتصميم في اضاءة جامده مش بتهتم بحاجة بتاخد الشكل العام و كل سنه و انت طيب
او زي ما بتبص للشمس بتبصلها فترة صغيرة اوي و بعدين بتهرب لان الحدقه أصلا بتكون اتقفلت مش ضاقت بس و كذلك في الظلام برده لما بيتقفل النور مرة واحده تلاقي الحدقه اتسعت . المهم مش موضوعنا بس انت عليك كمصمم تتفادي الحكايه دي ,, اعمل في تصميمك اللي يريح العين من العمليتين دول عشان الناس تقدر تدقق في التصميم بتاعك و تشوف الشغل اللي انت تعبت فيه .. و المهاره دي هتكسبها عن طريق التعامل مع الصور و الاطلاع علي تشكيلات ألوان للمصممين الكبار و الناس اصحاب الخبرة في مجال التصميم و علي فكرة الحكايه دي ممكن تتحقق برده بإنك تاخد الآراء في التصميم اللي بتصممه
تتبع