هنجيب حلة ونملاها مية ونحط فيها ملح وليمون وخل وصابون سايل ونفك جميع اجزاء عيون البوتجاز ونحطهم فى الحلة ونسيب عين واحدة بس عشان نحط الحلة على النار
ونسيبها تغلى حوالى ربع ساعة كدة..المهم الحلة متكونش المونيا ولا تيفال
وبعدين هنشيل الحلة ونفك العين اللى فاضلة واحنا ماسكين فوطة طبعا عشان العين سخنة و نحط العين مع اخواتها فى الحلة وبعدين بالسلكة ومن غير ما ندعك هنلاقى العين اتحولت
جديدة تااانى
وبعدين اوعى ترمى المية بالسلكة تغسلى البوتجاز والازاز بتاعو والشايلات بتاعتو
انا بعد ما انضف البوتجاز بعملو بفوطة نضيفة والجلانس بتاع الازاز دة لان بوتجاز استانلس
آخر تعديل بواسطة ام علاء ، 15-04-2012 الساعة 11:27 PM
|