[لافانيا]

المشاركة الأصلية كتبت بواسطة zarpona

هخكي لكم قصة مضحكة وحقيقية حصلت معايا انا واخويا :
انا كنت لسه مدخلتش سنه اولي واخويا الكبير في 3 ابتدائي وفي الاجازة وبابا وماما كانوا في الشغل المهم خلصنا كل انواع اللعب وبعدين زهقنا اخويا قالي انا شفت برنامج واحد بيعمل براشوت تيجي نقلده
قلتلة وانا زي العبيطة يعني ايه براشوت وبعد ماشرحلي قلتلة بس لازم تعملي واحد معاك
قالي ماشي بس لازم تساعديني روحي هاتي الشنطتين القدام بتوع المدرسة وهاتي ملايتين ومقص
جبتلة العدة وبعدين لقيتة ثبت كل ملاية من اطرفها الاربع في الشنطة ومسك المقص وعمل خروم في الشنطة من تحت
وكالعادة زي العبيطة سالته : اية لزمة الخروم دي
ورد عليا اينشتين وقال علشان تسمح للهوا يمر جواها يرفع الملاية وتبقي زي البلونة وتخلي النزول بطي
خلص عبقرينوا الشنطتتين وقالي دلوقتي لازم نجربهم
وزي العبيطة قلتلة ماشي لبسني الشنطة علي كتفي ولبس بتاعته وقالي هاتي الكرسي وتعالي ورايا علي البلكونة


جبت الكرسي واديتهولة وبعدين طلع هو عليه وقالي اطلعي وهنمسك ايد بعض لما اعد ل3








وفجاة بعد انا كمان مطلعت علي الكرسي لقيت ماما داخلة بتجري وبتقول يااااااااااااااااااااااااااااااااااااااااااااااااا اااااااااااااااالهوووووووووووووووووووووووووووووووو وووووووووووووووووووووووووووييييييييييييييييييييييي يي
وشدتنا ولقيتها بتعيط وبتصوت وبتزعق انت بتعملوا اية
رديت زي العبيطة كنا بنجرب البراشوت
المهم اخويا كان هيرمينا من الدور الثالث
ومن ساعتها كل مفتكر الموقف دة اقعد اضحك لغاية لما اترمي علي الارض وش قادرة انسي ماما وهي بتصوت
هي صحيح كانت بتصوت ليه ده احنا كنا هنجرب البراشوت

هههههههههههههههههههههههههههههههه
جميلة اوى الحمد لله انها جت فى الوقت المناسب
تحياتى