[دى برولى]

ازيكم
هادخل ف الموضوع عطول
المنتدى قديم طبعا وكان فيه ناس كتيره عرفناها ف فترة ما من حياتنا وال غالبا بتبدأ من مرحلة الثانوية لحد الى ما شاء الله .. انا من 3 سنين كان فى اعضاء هنا اتجوزو

لكن طبعا بسبب الانشغالات و ظروف الحياه بنبعد عن المنتدى
بس تيجي فترة كده تفتكر الايام الجميلة ال كانت عليه
فتدخل تلائي الناس ال انت تعرفهم مش موجودين وممكن تلائي رسالة ولا حاجة جيالك يعنى انت ونصيبك وف الغالب بتتصفح كده متلائيش زمان فتقفل

دلوقتى بقا احنا عاوزين الاعضاء الحاليين والجدد والقداام كمان يتفاعلو مع بعض حتى لو عدا فترة من غير اى تواصل

ازاى؟
هتسأل سؤال ....... ؟ "سؤال عادى او لغز او دعوة لمشاركة فى موضوع او مسابقة"
وهتختار بنفسك عضو معين انت تعرفه او عاوز يكون فى تفاعل مع اعضاء آخرين
وهو ... هيجاوب .

وعشان طبعا ممكن العضو مياخدش باله من السؤال مهمتك انك هتوصله لينك صفحة المنتدى ال فيها السؤال بأى وسيلة متاحة وال ابسطها رسالة ع المنتدى
طيب هتبعت الرابط ازاى لان ده محظور ف الرسايل
مثال:
ده رابط موضوع لاستاذ حاتم لموضوع قوانين قسم حوارات ومسابقات
www.thanwya.com/vb/showthread.php?t=694146
هتنسخ الجزء ال بعد www.thanwya.com دهو يعنى /vb/showthread.php?t=694146
وتبعته ف الرسالة وتقوله ازاى يفتحه انه يكمل اللينك زي الاول
----
بكده هتضمن ان فى اشعار راح للعضو بان فى سؤال موجه ليه
وكده الناس القديمة لما تدخل وتلائي ناس مهتمة بيهم هنا هيتابعو القسم
ومنه الى المشاركة فى باقى مواضيع القسم من مسابقات وحوارات
وبس

------
دى فكره بسيطة لاحياء الاعضاء والمشاركة فى المنتدى وخاصة المسابقات
لو كان فكرة الموضوع تتعارض مع قوانين القسم او المنتدى يرجى التواصل واقتراح التعديل