عشان اطور التعليم لازم اطور اداء المعلم وامنحه دورات تدريبية منتظمة بالنسبة لمادة التخصص وكمان الطرق التربوية الحديثة ويكون فى تقييم وتقويم شامل لاداءه وابعده عن طريقة التلقين اللى هى سبب فشلنا كمعلمين وبالتالى اثرت على الطلبة وكمان لازم يكون فى بيئة مدرسية مناسبة من توفر حجرة دراسة مجهزة ووجود وسائل تعليمية تساعد المعلم فى توصيل المعلومة بطريقة علمية وعملية لازم يكون فى مشاركة من الطالب فى المعرفةة لازم انشط التعلم التعاوننى وكمان احفذ التعلم الذاتى للمعلم والطالب على حد سواء لازم الطالب يحب المدرسة لازم نهتم بالانشطة المهملة اللى فعلا من غيرها ات*** الابداع فينا ومبقاش فى اى روح عند الطالب او المعلم للمشاركة حصة الالعاب بقت للم الزبالة من الحوش حصة الموسيقى بتتاخد عشان مدرس الرياضة يقعد يحفظ الطلبة المسائل حنقول ايه ولا ايه يا جماعة حال البلد بقى زفت والمشكلة اللى احنا فيها بتفكرنى بعادل امام فى فيلم الارهاب والكباب لما الوزير عطاه الفرصة عشان يطلب سكت وقعد يفكر يا ترى عايز ايه ؟ يا ترى احنا محتاجين ايه ؟ اصل الصراحة من كتر همومنا ومشاكلنا حصل عندنا شلل فى المطالبةة باقل الحقوق لنا عدم وجود خطة نقدر نمشى عليها تكون واضحة ومحددة عالم الالغاز اللى دايما عايشين فيه المشكلة مبقتشى مطالبة باللتعيين المشكلة بقت اننا بجد محتارين والدنيا بتجرى من حوالينا واحنا تايهين مش عارفين احنا عايزين ايه احنا دولة بتفتقد النظام والالتزام وخلاص اتربينا على الفوضى عايزين نظام بجد ويكون اسم على مسمى نظااااام
|