سئلونى مالك على البلد ما بتبكيش
قولتلهم عن احساسى متسئلونيش
الحزن فى قلبى مايتحكيش
وكل اللى بيحصل مايرضيش
دانا اخويا مات على الحدود وساكت
وكل الكلام والمعانى فى قلبى ماتت
وحرقة قلب امى على اخويا شاهد
ان الوطن دا ليه قومه
من غير تدخل ولا عسكر ولا حكومه
يابلدى طول عمرك عايشة مظلومة
وجاية انهاردا تقولى انى مش ساكته
فاضل ايه تانى معملتهوش
كام واحد من ولادك حقه من الظلمه مخدتهوش
دا اللى مات فى 73 حقه لسه مجيبتهوش
ابكى يا وطن على ماتوا ظلم
ابكى يا وطن مكان الدموع دم
ابكى يا وطن وارجع كمل الحلم
بكره هيجى الدور على اخرج الفيلم
قولى يا وطن واسمحلى
لو مت فى يوم هتجيبلى حقى
ولا هتبيعينى زى ما بعتى شِقى
وبعتى البلد وبعتى ارضى
هتحمى عيالى ولا هتبيعى اهلى
قوليلى يا مصر
اشتريكى بايه وارخص ما فيكى دمى.....!!!!