08-09-2009, 05:26 AM
|
 |
طالب جامعى (كلية هندسة )
|
|
تاريخ التسجيل: Nov 2007
المشاركات: 1,505
معدل تقييم المستوى: 18
|
|
اقتباس:
المشاركة الأصلية كتبت بواسطة yasasa
الى اعرفه أن 82 (الى عندى ) زيها زى ال500 وال570
بس هما أعلى من ال82 فى المعادلات
|
ممممممممممممم مش عارف أقول ايه المهم
أنت لو فتحت مود عندك هتلاقى تلاتة COMP , STAT , TABLE
و فى 500 هتلاقى زيادة عليهم EQN اللى هى المعادلات
أما فى 570 و 991 لأنهم زى بعض هتلاقى 8 فى الليست اللى فاتوا و عليهم
BASE-N , MATRIX ,VECTOR , COMPLX
اللى هم المصفوفات و فيها المحددات برده اللى خدناها فى تالتة
المتجهات ضرب قياسى و اتجاهى و جمع و طرح اللى خدناهم زائد الكلام ده فى الفراغ بقى
الأعداد التخيلية و الخاصية ده و حبة فهلوة تقدر تعمل تقريبًا 90 % من شغل الثانوى
الجبر الحسابى (مش فاكر اسمه أوى ) و ده فيه النظام العشرى و السداسى و الثمانى و الثنائى
الثنائى ده اللى درسناه فى الفيزياء و طبعًا فيه البوابات المنطقية اللى درسناهم AND , OR , NOT
و فيه بوابات كمان معرفش بنعمل بيهم ايه
طبعً ده غير إن فيهم التكامل المحدد و الاشتقاق بمعلومية X
و حل معادلات المجهول الواحد و ده مفيدة جدًا للى يستخدمها صح
و خاصة فى مسائل الكثافة فى الفيزياء اللى كنا بنختصر فيها يجى نص ربع صفحة
ده تحلها علطول و كأنك كتاب بيكتب إجابة نموذجية
و فيه زرار CALC و ده مفيد جدًا للي ستخدمه صح و ده مثلاً لو عندك معادلة و بتعوض بأرقام كتير
ممكن تكتب مرة واحدة و تعوض بالأرقام من غير ما تعيد المسألة و كمان لو مسيف أرقام ممكن تحل و أنت بتشوف الأرقام اللى أنت مسيفها
و فيه مجموع ريمان كمان و ده فى المستوى الرفيع و هنستفيد منه أكتر فى الكلية إن شاء الله
ده غير إن فيه تطويرات فى حجات عندك زى STAT الإحصاء و ده كنت عامل لها موضوع كام ممكن حضرتك تشوفه بنفسك من هنا
بسم الله
و طبعًا تقريبًا راجعت الامتحان كله ماعدا سؤال بيها أقصد امتحان الإحصاء
أما TABLE فى ده بتديله دالة و تحدد البداية و النهاية و عايز النقط كل قد ايه
بيديك نقاط الدالة و ده مفيدة جدً للناس اللى ى تانية ثانوى فى سؤال الرسم
و لو حد شغل مخه شوية هيستفاد منها فى رسم الفيزياء لتالتة ثانوى
و كمان هيستاد منها فى باب سلوك الدالة فى تفاضل تالتة ثانوى
هوووووووووف الواحد كتب كتير
أظن متضايقين من الرغى ده عايز أقولك بس يمكن فيه حجات نسيت أقولها و يمكن حجات لسة معرفهاش
و متستغربش فيه آلات بتعمل أكتر من كده فيه آلات فظيعة بجد
و للاستخدام الأمثل بنراجع بيها أو بنعرف الإجابات مقدمًا فى أجزاء السؤال
على فكرة فى موضوع استخدامات الآلة الحاسبة بتلاقى الكلام كتير و ممكن ناس تتوه و ناس تقول لازمته ايه
بس بجد التطبيق سهل جدًا جدًا جدًا و مفيد خصوصًا لو حد اتزنق فى وقت الامتحان
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|