مهن شاقة
عودين خشب
عمدان لسقالة شقـا
وايدين فقير متعلقة
فى الكام جنيه
وهيعمل ايه
الدنيا اخدت ضحكته وضحكت عليه
والخوف مكتف خطوته
ويوماتى علشان لقمته
الموت بيلعب لعبته قدام عنيه
ومفيش هزار
العمر مش لعبة قمار
والتضحية...
اوقات مبتكونش اختيار
لكنه علشان الصغار
علق سنين عمره ف هوا
عشان رغيف علشان دوا
علشان يحوش كام امل ضد الظروف
محتاج يشوف
من تحت عقب الحلم حبة ضى جاى
رغم انه بيموت م التعب
لكنه حى
__________________
وَمَن يَعْمَلْ مِنَ الصَّالِحَاتَ مِن ذَكَرٍ أَوْ أُنثَى وَهُوَ مُؤْمِنٌ فَأُوْلَـئِكَ يَدْخُلُونَ الْجَنَّةَ وَلاَ يُظْلَمُونَ نَقِيراً
النساء (124)
|