اقتباس:
المشاركة الأصلية كتبت بواسطة eng. Alios
انا مش عارف حضرتك مستقصدني ليه ؟
هوا انا عملت لسيادتك ايه ؟
حضرتك بتحب كليتك ... على عيني و على راسي
لكن مش بالإكراه تقنع كل الناس انها أفضل من الاكل و الشرب ...
مش بالإكراه تقنع كل الناس إنها أهم من أي شيء في الدنيا ...
بالإضافة إلى إنك بتفهم الكلام غلط من أساسه ...
انت كطالب حاسبات لو روحت و لا جيت ح توصل ..... بس باين حضرتك مقريتش بقيت الموضوع
انا قلت إن أنا باتريق على الكلام ... بهزر ...
اللي تعب بجد , ح يرفع راس بلده لفوق ....
و ده ردي :
يا جماعة انا بهزر مش أكتر ..
طبعاً بلدنا دي اجدع بلد في العالم كله ...
لو قدرنا نقوم بيها صح ...
و ربنا بيقول : اسعى يا عبد و انا اسعى معاك ...
-----------------------
حضرتك لو استمريت بأسلوب الحوار ده ...
مش ح تكمل صح كدا ...
انا مش بحبطك و لا بشتمك و لا بقول لك ح تطلع قهوجي ...
انت واد زي الفل و ربنا يكرمك ...
بس بلاش الاساليب المتعصبة دي في الحوار ...
عامل الناس كما يحبوا أن يُعاملوا ...
يعني واحد مخه صغير و مش شايف قدامه غير إن هندسة أحسن ... سايسه و قول له ماشي ... أكنك مسمعتش حاجة ...
انا حولت فنون جميلة علشان اللقب ( زي ما سعادتك بتقول ... رغم ان الكلام دا مش صحيح اطلاقاً ) ... سايسني و قول لي ربنا معاك و يكرمك ... و أكنك لا سمعت و لا شفت حاجة ....
انا يعني مدخلتش جهنم علشان سبت حاسبات ....
و لا ربنا قال لي : ح العن حياتك كلها علشان سبت حاسبات ...
اتقل على الناس ... مش أي حاجة تنرفزك تقوم طايح كدا ....
اهدى ...و قول من جواك : بكرا نتفرج و نشوف مين اللي ح ينفع ...
و صدقني ...
حاسبات و معلومات دي أجمد كلية في مصر !! .... مهما قلت و مهما عيدت ح تفضل أجمد كلية في مصر !!
ربنا يكرمك إن شاء الله و أشوفك اكبر مهندس برمجيات فيكي يا مصر ...
جزاكم الله كل خير
|
على فكرة انا ولا مستقصدك ولا حاجة انت اللى كل شويا تقول كلام يستفذ الواحد مرة تقول هروح اخد كورسات و أبقى زيكو و مرة تقول دولة نامية و هتفضل دولة نامية و دا تلميح واضح جداا و ملوش تفسير غير اللى انا قولته هل انت شايف ان دا المكان او الوقت المناسب انك تقول جملة زى دى و دى مش اول مرة تقولها .. يا سيدى لو مش عجباك البلد سيبها بجد انت من اول مشاركة ليك و انت عمال تتريق ع البلد .. ثانيا انا مش محتاج نصائح من حد وفر النصائح دى لنفسك بدل ما تعلمنى ازاى أتحكم فى انفعالاتى .. علم نفسك ازاى ما تستفذش الناس و اتعلم امتى تقول الكلام و فين .. انا مبعرفش اخد حد على قد عقله و أقوله انت ف احسن كلية أهو الاسلوب دا اللى مخلى البلد متخلفة و انت اول واحد بتتبعه .. و اول واحد بتنقد البلد دا دليل ان العيب مش فى البلد و رأيى فيكم مش هيتغير .. هتظلوا فى نظرى مجرد رسامين و بتوع المدنى هم الاساس فى كل شىء هم العقول و انتم أداة مكملة ممكن الاستغناء عنها