[اسراء سمير00]

المشاركة الأصلية كتبت بواسطة mr. Hatem

بس تعالوا بقى نتكلم جد شوية

أتفضل مع حضرتك

المشاركة الأصلية كتبت بواسطة mr. Hatem

فبعيداً عن المجاملات...

السِّت مخلوق جميل، ومن أجمل المخلوقات في الدنيا كمان

ولولا وجودهم معانا لكانت الدنيا بقت ذي القبر...!!!

ودي حقيقة مُسلّم بها عند الرجال...لا خلاف عليها إطلاقاً...!!!

الله يخليك يامستر بجد الكلام ده هحطه في برواز كده ونقول للي مش مصدق أن الستات أجمل مخلوقات
هقوله أشهد حضرتك علي الكلام الحلو ده ، الله عليكي ياست مش أم كلثوم لاء .. ههههههههههههههههههههههههه

كقانون الجاذبية وقانون أوم ودوران الشمس وغيرها من القوانين الثابتة....!!!

فتخيلوا معايا كدا لو مفيش سِتّ في الدنيا...؟!

كان هيبقى شكل الدنيا عامل إزاي...؟!

أكيد الحياة وحشة من غيرهم ودي عايزة كلام
علشان تعرفوا بس الستات دول نعمة

هتلاقي مين أجمل من السِّت: تِنَكِّد عليك في وقت ما إنت تكون فرحان ومبسوط...؟!

ماهي لافيها لا تخفيها ، ليه تكونوا مبسوطين من غيرها فين العدل بئا حقها ولا مش حقها تفرح بردو
ههههههههههههههههههه

وهتلاقي مين أجمل من السِّت: في عزّ تعبك وإرهاقك وإنت راجع من الشُّغل ونفسك تنام ساعتين... تلاقيها جايبة الشقة عاليها واطيها... بحجة إنها بتنضف... آل يعني حبكت النضافة دلوقتي...؟!

أنتوا اللي بتيجوا متأخر من الشغل وبتحصل صدفه صح بلاش تنضف البيت يعني
أها منا لازم أقف في صفهم دول غلابه بردوو

وهتلاقي مين أجمل من السِّت: في وقت إندماجك في كتاب تقرأه وإنت قاعد في الأوضة... تلاقيها قامت وطفت التكييف... وإذا سألتها ليه عملتي كده...؟! تقولك: أصلي سقعانة...!! رغم إن درجة الحرارة في الضل فوق الأربعين...!!

يعني لو مكنتش ترخم علي جوزها ترخم علي مين المفروض تطرقها وتقولها أعملي ليا كوبايه شاي كدا أو قهوة تشغلها يعني حضرتك ، الست من دول مش بتطرد الا بالعافيه

وإذا سيبتلها الأوضة وخرجت قعدت في الصالة... جَت وراك وطفت النور...!! وإذا سألتها ليه عملتي كده...؟! تقولك: علشان الدبّان والناموس ما يجيش على النور...!!!

دي نضرب لها تعظيم سلام يامستر حضرتك هههههههههههههههههههه

وإذا سيبتلها البيت وخرجت... تقولك: رايح فين...؟! وهتقعد عند مين...؟! وهتقابل مين...؟! وناقص تقولك: فين بطاقتك...!!

من كتر الأسئله بتنسي تقول فين البطاقة أعذورها يامستر بردو معلش أبقي أعطي لها البطاقة بتاعت حضرتك ووفر عليها السؤال ده

وكل دقيقة الموبايل يشتغل... والأسئلة تنزل على ودانك زي المطرة: إنت فين...؟! وهتيجي إمتى...؟! الوقت إتأخر...!! رغم إنك لسّه خارج من نصف ساعة...!!! فتحسّ إنك متجوز مُخبِر...!!

ههههههههههههههههههههههه دي بقي الواحد يكتب لها ورقه قبل مايمشي زي جدول كده أنا رايح في مكان كذا مش هاجي الا في الوقت كذا وممكن أتغدي بره وسيب الورقه حضرتك في مكان معروف يعني وواضح وأخرج براحتك يعني ،،ربنا يقدرني علي فعل الخير

وفاضل تعملك دفتر حضور وإنصراف...!!

ههههههههههههههههههه بئا دي في أطيب من قلبها يامستر

وهتلاقي مين أجمل من السِّت: في وقت ما إنت عايز تنام... تيجي وتقولك: عايزة مصروف البيت والشهرية بتاعة دروس الولاد وفاتورة الكهربا وفاتورة الغاز وفاتورة التليفون... وإبقى قابلني إذا عِرفت تنام...!!!

شوفت حضرتك خايفه أزاي علي مصلحة البيت هي الست من دول مش بيحلا لها الأسئله اللي وقت راحه زوجها العزيز أها يعني ، علشان بتوفر عليه أنه يشغل باله في مصروفات البيت بتجبها هي علي طول كده معاه يطلع الفلوس علي طول مش معاه لازم كل يوم خناق لحد مايديها المصروف ست يضّرب بيها المثل

وهتلاقي مين أجمل من السِّت: لما صدّقت إنك تنام وتروح في النوم... تصحّيك علشان تقولك: "تحب تصحى الساعة كام؟!"

ياعيني علي طول كده الست دي شيله هم جوزها كدهون لها الجنة بجد
هههههههههههههههههههههههههههههههههه

وهتلاقي مين أجمل من السِّت: علشان ضغطك يرتفع... والسُّكر يعلى عليك... وتِحوَلّ سنتين وتموت...!!!

بعد الشر يامستر حاتم ، هو يا كل ده في وقت واحد يحصل للواحد يا بلاش ماينفعش يجي السكر لوحده أو الضغط لاء كله مرتبط ببعضة ،، ربنا يسترها علي كل الرجال من كل الستات

و.....

وكفاية كدا...

أحسن شكلي كده هبات ع البورش النهاردة

ههههههههههههههههههههه لا يامستر حضرتك قول كل اللي في قلبك مينفعش تشيل في قلبك وتسكت لاء فضفض معانا بردو لازم نطلع كل اللي جوانا يانموت فيها ، علشان أقول بردو أن قلب حضرتك طيب وطيب جداااا كمان والدليل أن حضرتك بتقول هتلاقي أجمل من الست فين ، يعني ربنا هيبارك في حضرتك بجد وإن شاء الله هتدخلوا الجنة كلكم أما الستات لازم تتحاسب شوية ههههههههههههههههه

نورتنا وشرفتنا حضرتك بهذا التواجد العطر يامستر حاتم من جديد ..
كل التقدير والإحترام لحضرتك