الكلام اللى هقوله ده كلام موثوق منه انا حاليا بعيد ثانوية عامة انا ف اعدادى صيدلة يعنى لسة مخلصة ثالثة ثانوى السنة اللى فاتت ولانى مش عاوزة الكلية وحلم حياتى ادخل كلية طب بزاكر صيدلة وثانوية ف نفس الوقت الاجراءات كالتالى
اولا وقبل كل شئ " محدش يعرف انى بعيد ثانوية عامة ومفيش حاجة اسمها اعداة ثانوية عامة اصلااااااااا امال ايه الموضوع " كالتالى
يا جماعة انا حصلى ظروف وبقيلى 3 سنين قاعدة ف البيت لظروف شخصية وانقطعت عن الدراسة وعاوزة اكمل ينفع " الكلام ده قلت هناك ف الادارة التعليمية "
كان الرد كالتالى " طبعا ينفع يا بنتى قدمى ورقك قلتلهم انا اخدت اولى ثانوى طلبوا منى شهادة من مكان كدا اسمه ادارة النقل حاجة زى كدا بروح اقول انا كنت ف مدرسة كذا كذا واخدت اولى ثانوى عاوزة شهادة تفيد نجاحى ف اولى ثانوى وقد كان وجبت الشهادة ومعايا شهادة نجاح ثالثة اعدادى اصلا ورحت قدمت وخلص الموضوع وقد كان ومشيت عادى لكن حصلت ظروف ليا السنة دى وان شاء الله اجلت وهاخد تانية ثانوى العام القادم باذن الله واعولى ربنا يوفقنى واحقق حلم عمرى "
وفى اخر الكلام محدش يروح يسأل عن اعادة لكن قول انقطعت عن الدراسة وعاوز اكمل منااااااااااااااااااااازل
واللى هيحصل بعد كدا كالتالى هاخد تانية وثالثة ثانوى منازل ولو جبت مجموع هدخل تنسيق عادى خالص جالى كلية طب هروح هقدم عادى ف الكلية ويبقى انا ملفى ف كليتين طب وصيدلة اسحب ورقى من صيدلة ولا من شاف ولا من درى انا مش بهزر يا جماعة وده اللى حصل وربنا شاهد على كلامى وفعلا قدمت وكل الاجراءات مشت وعملت استمارة المواد وقبل ما يطلع رقم جلوسى سحبت تانى لظروف قهرية حصلت السنة دى وسأقدم العام القادم مرة اخرى ان شاء الرحمن وشكراااااااااااااا جزيلا وربنا يوفقنا جميعا ونصيحة منى
" دور على حلمك وحقق امنياتك واحلامك واوعى تخلى اى حاجة توقفك ومش اى حاجة تحصلنا نقول ده نصيب وربنا كاتبلنا كدا انا معرفش ربنا كاتبلى ايه مش يمكن كاتبلى ادخل صيدلة الاول وبعدين ف الاخر ادخل طب لحكمة يعلمها رب العباد وبلاش نبقى سلبيين ونقول دا احنا تعبنا سنتين حرام ومش حرام احنا مسلمين والجهاد فى سبيل الله لازم يكون غايتنا وهدف اساسى ادامنا واللى احنا بنعمله ده وطلب العلم والاجتهاد من اجل العلم وليس من اجل الشهادة هو من اسمى الاهداف اخلص النية لله عز وجل تنل ما ترد الله يوفقنا جميعا يا رب
ادعولى بالله عليكم وللاسف ممكن مقدرش ادخل كتير لكن لو دخلت اكيد هدخل ارد على اى استفسار بس انا كتبت كل حاجة وكل معلومة عندى وشكرا جزيلا
|