[Eng.Ahmed Hagag]

المشاركة الأصلية كتبت بواسطة medo_messi30

اهلااااااااا يا بشمهندسييييييييييين مصر .. اولا انا فى تجارة للاسف انا جبت 90 للاسف تانى مره

المهم انا كان عندى شوية حاجات عاوز اقولها كده من اللى بسمعه من اخواتى الكبار و اللى كنت بقراه عشان بحب المجال ده جداا ..
اولا نمسك الموضوع واحده واحده .. احنا باقى دلوقتى شهر على الدراسه طب نعمل ايه فى الشهر ده ؟؟؟؟؟
اولااااااااا العبوا على اد ما تقدروا و دى نصيحه والله مفيده جدا لسبب .. ايه هو السبب ؟ بص انت داخل كلية صعبه اصعب من الثانوى بمراحل مش من ناحيه الدراسه بس كمية المواد .. امتحانات على طول .. عندك مواد سنه اولى اللى هى : فيزيا ورياضه وميكانيكا وكيميا وهندسه انتاج وحاسبات ورسم هندسي ولغه وانسانيات . ممكن مواد تختلف اختلاف بسيط من جامعه لجامعه ..
طيب بردو مش هنلعب اوى الشهر ده و نفسنا ندووس فى المجال من دلوقتى .. طب يا عم جهز قاموسك بتاع الانجليزى و لو تعرف تجيب قاموس مصطلحات هندسيه يكون تمام .. و ادخل شوف برامج الرسم الهندسى و الاوتوكاد و الحاجات دى خد فكره كويسة عنها .. انما تقولى اشوف كيميا فيزياء بتنجان دلوقتى .. متعصبنيش ياد

انا دلوقتى اول يوووووووووووم داخل الجامعه بقى و مش فاهم اى حاجة و كله لابس الحته اللى عل حبل ( اول و اخر يوم كله بينضف فيه و بعد كده كله بيجى بالشبشب ههههههه )

اوعوا تعملوا زى بتوع تجارة داخلين الجنينه و هتقضوها امال هتسيبولنا ايه بقى ههههههههههه
انت طبعا داخل تايه فى الجامعه و هتلاقى اللى اكبر منك بيضحكوا و بيتفكروا ايام ما كانوا هم فى اولى .. بص اولا خليك / ى جرئ اسال اللى اكبر منك و دوس فى كلام مع اى حد يكون شاطر و عنده خبره اساله اذاكر ازاى .. اخد كورس كذا عند مين اجيب ادوات ايه ازاى اجيب تقدير .. كل قسم بياخد تقدير ايه ؟؟ الحاجات دى تسال فيها و خليك رخم و اسال كذا واحد عشان تاخد او تاخدى معلومات اكيده ..

احنا دخلنا من الباب ! دلوقتى احنا فين يا ملعم .. ؟؟ احنااا جوه المدرج اللهم صلى عل نبى ايه الزحمه و التوهان ده ههههه

جوه المدرج عندك اللى بينام و اللى بيسمع اغانى و اللى بيدور و يشوف البنات تقعد فين عشان يرشق هناك و ده فى هندسه عادى زيه زى تجارة الدنيا بايظه عادى
انت حاول او حاولى تقعدى فى الاول حتى عشان الدكتور او المعيد يتعود يشوفك كده و تعرف تساله دايما و تكتب و تسمع كويس .. انت لازم تحضر جميييييع المحاضرات و تكتب و تروح البيت تبيض المحاضره يعنى تكتبها كلها بتنسيق و فكك من حوار الانجليزى سهل جداا مجرد في بعض المصطلحات جديده هتتعود عليها ..

الاهم ان يكوووووون ليك هدف فى الكلية مش معنى انك خلصت الثانوى و دخلت الهندسه يبقى كده خلصت اللى عليك بالعكس انت كده بدات تشيل مسؤولية الحقيقية .. لازم تجيب اعلى تقدير عشان تعرف تدخل القسم اللى انت عاااااااااااااااااوزه .. بس و قبل كده تقوى الله و الصلاة فى وقتها و غض البصر و خصوصا فى الجامعه و حاول يكون ليك نشاط و تروح رحلات بردو متع نفسك مش هتكتأب يعنى .. عادى جداا

اخيرا اللى عاوز حاجة فى هندسه , طب , تجارة عندنا كل الكليات فى البيت هههههههههههههه
و بردو تجارة و هندسه ايد واحده ههههههه
ربنا معاكم يا بشمهندسين و بشمهندساااات المستقبل و ترفعوا راااااسنا دايما كده
بالتوفيق يارب لحد ما تتخرجواااا و انتوا جايبين امتياز على الاقل هااااه
و السلام ختااااام

شكرا ليك يا ميدو أنا مش عارف اقولك إيه بصراحة .
ألف شكرا يا ميدو .