[ميس هدى خليفة]

السلام عليكم ورحمة الله وبركاته



كل عام وانتم بخير وصحة وعافية - يارب يجعل الشهر الكريم خير وبركه عليكم جميعا



ويتقبل الله منا ومنكم صلاتكم وطاعاتكم يارب



اليوم الاول من شهر رمضان كما اتفقنا كل يوم سيدعو احدنا



من يرغب على الافطار بمحافظته مع وضع معالم من مدينته



بنهاية الشهر نكون باذن الله تجولنا فى كل مكان بمصرنا الحبيبة



=======================================


اليوم أدعو اخى العزيز ا/محمد حسنين (الفيلسوف) واختى الغالية عزة عثمان



يشرفنى دعوتكم على الافطار بمحافظتى ومدينتى الغالية ,,,الاسكندرية ,,


يالا قبل الاكل تعالوا نعمل جولة على اهم معالم الاسكندرية



تعالوا نركب وسيلة مواصلات شهيرة بالاسكندرية (الترام)







يالا بينا نطلع على بحرى احلى مكان بحبه فى اسكندرية



يالا نبدأ بزيارة القلعة

قلعة قايتباى، قلعه مشهوره فى اسكندريه من معالم مصر بوجه عام. امر ببناها السلطان الاشرف قايتباى وقت زيارته التاريخيه ل اسكندريه فى صيف 1477



منظر للقلعة من اتجاه البحر








بعد جولتنا اخل جدران القلعة تعالوا ندخل متحف الاحياء المائية القريب منها



الفيديو من داخل الاحياء المائية








تعالوا نتمشى سوا على رصيف البحر فى منطقة الميناء الشرقى ونتفرج على الصيايدين وتجمع الناس حولهم ساعة العصارى وهما بيلموا الشباك بالصيد






وفى كمان ناس غفاوية جدا الصيد بالصنارة




بما اننا فى منطقة بحرى تعالوا نصلى فى مسجد المرسى ابو العباس القر يب من البحر

أحد أقدم وأشهر المساجد التي بنيت في الأسكندرية في مصر، حيث يتميز بقبابه المميزة الشكل، وهو من أهم ما يميز منطقة أبو العباس في منطقة بحري بالمدينة.









لسه شوية على المغرب وعشان مانبعدش كتير عن منطقة بحرى - تعالوا نركب تاكسى الى مكتبة الاسكندرية على البحر






المكتبة من الخارج






































المكتبة من الداخل







كافيتيريا ملحقة






اكيد كان نفسى افسحكم باماكن كتييير فى اسكندرية بس المغرب قرب يالا بينا على قدورة بتاع السمك المشهور



اكلة اسماك اسكندرانى اخر حاجة


يعتبر «قدورة» أشهر وأكبر مطعم متخصص في الأسماك بالإسكندرية، ويستمر في التربع على عرش المأكولات البحرية للعام الستين، وقد تمكن صاحبه من زيادة عدد فروعه بالإسكندرية وافتتاح جديد في القاهرة، ولكن يظل الفرع الرئيسي بـ33 شارع بيرم التونسي بمنطقة بحري هو الأشهر والأهم على الإطلاق، ويقع بالقرب من حلقة السمك ومرسى صيادي الإسكندرية.







ويتميز فرع بحري

بوجود مقاعد وطاولات تحمل أسماء أشهر الفنانين الذين زاروا المكان مثل: فريد شوقي، ومحمود المليجي، وتحية كاريوكا، وأم كلثوم، وفاروق الفيشاوي، وشريفة فاضل، وسيد زيان، وحسن الأسمر، وفيفي عبده، ونور، ومحمود ياسين، ومحمود الجندي، وأيضا الشيخ الشعراوي والكابتن محمود الخطيب.



يالا نختار من هنا

جمبري مشوي على كيف كيفك

سمك بورى مشوى

مين بيحب السنجارى











سمك مشوى مع ارز صيادية




سلطات الطحينة المشهورة




مين بيحب الكابوريا زينا الاسكندرانية




الاستاكوزا



شوربات سمك متنوعة

()السى فود)
















ايه رأيكم فى الفطار


اتلف هنا وشفا لكم



يالا نروج ناخد الحلو عند جيلاتى عزه المشهور ع البحر وقريب من قدورة




احلى ايس كريم






احلى رز بلبن بالجيلاتى والمكسرات








عاشورا بالمكسرات






بالهنا والشفا عليكم يالا اخر حاجة فى البروجرام فسحة بالحنطور ع البحر لحد صلاة الترويح ولو انه قل جدا فى اسكندرية



اخر اهداء اغنية اسكندرانى مع فسحة حلوة اتمنى تسمعوها





======================


اخى الفيلسوف - حبيبتى عزة بانتظار عزوماتكم ودعواتكم لمن ترغبون من المنتدى



ا/محمد يالا ان شاء الله عليك الدور بكرة تفرجنا كلنا على المنصورة



ا/ عزة يالا بانتظار احلى حصرياتك فى زيارة لمدينتك دمياط