[sahar2012]

استخدامات الكوكاكولا فى المنزل والنظافه لا تتخيلها
موضوع حلو وممكن يكون غريب شويه وهو الكوكاكولا واستخدامها في البيت؟
ناس كتير هاتستغرب هاتقول ازاي الكولا اللي بنشربها ممكن نستخدمها في حاجات للبيت:
- اولا ممكن الكولا تشيل البقع الدهنيه من على الملابس والقمشات
- وكمان بتشل الصدأ اللي ممكن يكون في مكان في البيت عند الحوض في الحمام عند الباب في اي مكان
- ولو في بقعة دم نزلت على الملابس بتشيلها فورا
- وكمان بتشيل البقع النفطيه( الزيت ) اللي هي ممكن تحصل من الدهانات والزيوت السيارات والحاجات دي مثلا,
- وبتنضف كمان الحلل الكنك والبراد والطاسات المحروقه بتحطي الكولا في الطاسه مثلا وبتسيبيها لمده ساعه وبعدين بتغسليها
- ولو في لبانه لزقت في شعرك بتحطي عليها شويه من الكولا وتسبيها 10 دقايق وبتغسليها بالميه هاتلاقيها نضفت عالطول
وانا عن نفسي ماصدقتش لما عرفت ان ممكن الكولا اضيفها للغسيل لانها ب
- تزيل الروائح الكريهه للغسيل
- وبتشيل البقع اللي في السجاد بتحطي كوبايه صغيره من الكولا على البقعه اللي على السجاد وبتفركيها بقماشه وبعدين تغسليها بالمسحوق والميه
وكمان حاجه حلوة خالص ستات كتير بتغلب فيها وهي اصفرار التواليت ده ممكن تحطي شويه كولا في المرحاض وتسيبيها 5 دقايق وبتغسليه هاتلاقيه نضف وبقى بيلمع, ياريت تكون الفكره عجبتكم وكمان تجربوها هتنفعكم خالص.