اقتباس:
المشاركة الأصلية كتبت بواسطة بسبس نادر
بصى حضرتك انا نفسى اخشة بس الناس محبطانى اوووووووووى
انا محتارة بينة وبين علم النفس ايه رأى حضرتك
|
بصراحه بالنسبه لي الأنثروبولوجي افضل علشان مجال الدراسه متنوع فيه
يعني اذا بتحي المواد الاجتماعية هتلاقي مواد دراستها في المجال الاجتماعي
واذا بتحبي المواد العلمية في مجال فيزيقي
واذا بتحبي المجال السياحي والتراث في سنه ثالثه ممكن تتخصصي بدل من شعبه عامه تتخصصي شعبة تراث ومتاحف شعبية .
والتدريب الميداني منوع مابين اماكن اجتماعية ( دار ايتام ورعاية اطفال ودار مسنين ) واماكن ثقافية ( مراكز الابداع في سيدي جابر ومحطة الرمل ) واماكن التراث ( قلعة قايتباي - المسرح الروماني - عامود السواري )واماكن خاصه بالمجال الفيزيقي ( مستشفى الطلبه في سبورتنج ) واماكن ثانيه انا بكتب ليكي امثله بسيطه
غير دراستك للمجتمعات بدايه من سنه ثالثه بيبى طول الفصل الدراسي الواحد مجتمع واحد بتدرسيه ( منطقة اللبان كامله - منطقة المرسي ابي العباس كامله - كوم الدكه - سيدي بشر قبلي - سموحه ) واماكن مختلفه حسب مشرف/ة التدريب اغلب المناطق مش بتكوني عارفاها واذا عارفاها اسماً مش بتكوني اتعمقتي في شوارعها الجانبيه وفي سنه رابعه التدريب بيكون في مصانع .
يعني مجالات الدراسه متنوعه المهم انك من الاول تكوني حابه الدراسه علشان اذا مش حابه مجال الدراسه هتحسي ان الدراسه صعبه .
علم النفس دراسته كويسه برضه بس مش منوعه زي الدراسه في قسم الأنثروبولوجي وزي مادراسة الأنثروبولوجي سهله بس طبعاً فيها صعوبه زيها زي قسم علم النفس فيه صعوبات
ودراسته بالنسبه للطلاب اللي التحقوا بيه معجبين بالدراسه فيه .
اما بالنسبه لمجال الشغل فهو معروف بالنسبه لقسم علم النفس سواء في التدريس او عن طريق تحضير دبلومه في المجال وليها مجال عمل .
انما في قسم الأنثروبولوجي انتي اللي بدوري على مجال العمل اللي يناسبك انما اذا في العام هتشتغلي في مجال العلاقات العامه وده مجال كويس برضه او مجال العمل المتاح ليكي .
استخيري ربنا في الاول وجمعي معلومات من دارسي علم النفس عن مجال دراسته واعملي مقارنه بينهم وربنا يوفقك .
اي اسئله موجوده معاكي ياقمرايه