بصوا ياجماعه انا مع احترامى للكل طبعا
انا واخد روسي وان شاء الله هاكمل بره احتمال كبير بولندي او صيني
وده لانى عايز اشتغل في السياحه الترفيهية يعني بالاصح في شرم والغردقة واللى شغال فيهم الروسي والبولندي والايطالي
انا ناوى ادخل ارشاد بإذن الله وصراحه عندنا كمية بيرة جدا واخدة ايطالى احنا الدفعة 353 واخد ايطالي اكتر من 100 والايطالى عندنا اسمه عربي الكلية
فيريت محدش يبص للغة السهلة بصوا للغة اللى هتشتغل بيها واللى عايز فعلا شغل اوى ياخد صيني اه ممكن يتعب شوية بس فعلا هيلاقى بعد كده واللغه طالما انك مشيت فيها خلاص بتبقى سهله وفى ميزة للصين ان الصين هى الدولة الللى جاية فعلا واللى جات بالفعل فممكن انك تشتغل مترجم مع الشركات ورجال الاعمال لان كلنا عارفينان معظم الاشياء بنستوردها من الصين بس هى مشكلة الصيني ان معظم السياح الصين بيبقوا جايين سياحة ثقافية وعايزين بكل قرش يدفعوه معلومة فيريت محدش يبص للغة سهلة
بصوا للغة اللى هتمشي في السوق وبعد كده انا واخد روسي في الكلية علشان لما اخد كورسات مثلا بره على الاقل هابدا من المستوى التانى لكن مش معنى ان هاخده بره ماخدهوش في الكلية سامحونى ده كلام غلط بالعكس انت المفروض تاخده على الاقل هتمرسه اكتر واللغة عايزة ممارسة وكلنا عارفين كده اما الانجلش فده اجبارى لازم تبقى متقنه سواء خدت لغة تانية او لا حتى لو انت متقن اللغة التانية كلنا عارفين ان الانجلش لغة العالم يعني هتحتاجه لازم ويريت كنش طولت عليكم
أخوكم
ميدو ابن حميدو
|