العيب فى مين؟؟؟(ابنى ولا الكفن)
العيب فى مين ؟
قولى يا وطن
العيب فى ابنى ولا الكفن؟
العيب انه كان عاوز يعيش محترم
ولا لانه شجع الاهلى وات***
قولى يا وطن العيب فى مين
العيب على ذل السنين
ولا على اللى مات حزين
ولا اللى مات على ارضك
ولا اللى حاسس بقهرك
العيب فى مين
فى ابنى وهو رايح المدرسة
وعمره بالاهمال انتهى
العيب على مين
على الشعب اللى قابل الذل
ولا على اللى دايق المر
ولا اللى فاكر انه حر
وهو مذلول طول العمر
العيب فى مين ولا مين
العيب على العقلين
ولا اللى بمستشفى المجانين
العيب على ابنى ع الحدود
وبيحمى تاريح الجدود
ومات...وعم السكوت
حداد وحداد وحداد
والشعب بقا كله اموات
حداد ع اللى مات ع الحدود
ولا اللى فى ماتش لقوه مقتول
ولا اللى كان بيطلب بالحق دبحوه
ولا اللى كان رايح مدرسته ... دهسوه
قولى العيب فى مين
اهدا يا وطنى الحزين
خلاص دنسوا الميادين
وحق اللى ماتوا بالملايين
دلوقتى بقا الفلول ثوار
والمصاب من الميدان محتار
من بين اللى ***نى او الحاكم اختار
يالذل يانضرب بالنار
يالعبودية يانفضل احرار
بس مش احرار ثوار
احرار وجنبى اللى عليه التار
اسف يا وطن ع اللى بيحصلك
كان نفسى اموت وانا وسط اهلى
او اكتب بايدى المجد فى بلدى
بس كتبوا بدمى تاريخ وطنى
واصرخ واقول واحكى همى
وأسال يا وطن عن ايه ذنبى
اموت بتهمة ملهاش مثيل
لا تهمة خيانة ولا كنت عميل
تهمة علشانها اباحوا دمى
كانت تهمتى ... بحب بلدى !!!!
__________________
انا اللى لما بجوع بعنيكى بتصبر
ميغركيش العدد والله انا اكتر
انا اللى مش اخوان
وانا اللى مش عـســكر
|