الاحياء دى مادة جميلة جدا ادرسخا بحب و ربنا حيوفقك فيها
اهم يا جماعة انكوا تشيلوا من دماغكم انكم ضعاف و ان المادة صعبة بالله الثانوية سهلة جدا و زى اى مرحلة بس عايزة تعب و مذاكرة صغيرين خالص
و مش معنى كده ان الواحد يتغر خير الامور الوسط
خد المادة ببساطة و لو جيت تذاكر المادة و لقيت نفسك مش فاهم حاجة اقفل الكتاب
قوم اتوضا و صلى و اقرا قران و ارجع ذاكر تانى و باذن الله تلاقى المادة سهلة جدا و ربنا يعينك
بالنسبة للاحياء مادة سهلة جداااا حبها و ذاكرها من الاول عشان هيا تقيلة جدا معاك 13 فصل فيها نظرى و رسم اهم حاجة متسيبش الرسم لاخر السنة عود نفسك من دلوقتى
اهم حاجة فى اى ماده انك متخلهاش تطير من دماغك
يعنى احنا بنمتحن فى شهر 6 بتعد تاخد دروس 10 شهور لو سبت اللى انت اخدته فى الاول من غير مذاكرة لازم حيتنسى
يعنى مثلا فى نهاية الاسبوع تجيب اللى انت اخدته فى الاسبوع و تقراه تانى بعد فترة تجيب اسئلة تحلها على اللى انت اخدته و هكذا بحيث ان المادة متهربش من دماغك و اهم حاجة تبدا مراجعة فى الاخر بدرى عن المدرسين حتقول ان ده ممكن يعطلك عن مذاكرة الدروس حقولك انك تطول المده و تقلل الكمية
يعنى ممكن تبدا من شهر يناير مراجعة اغاية مانت واقف فى الدرس تجيب حتة صغيرة كل يوم و تذاكرها و تحل عليها و بصراحة الاحياء عايزاك تذاكرها كتير بس و تحل اسئلة و تعرف افكار كتير و حتبقى اسهل مادة بالنسبة ليك
|