اقتباس:
المشاركة الأصلية كتبت بواسطة محمد على2007
النصر جاى
لما الرصاص طالنى
***نى
كتبت بحروف دمى
حرفين
وقعت قنابل شتت
بددت اللى كتبته
(غين و زين )
القنابل الفوسفورية
اللى نازلة فينا ت***
اللى طايحه تجرى ورانا
تجرى العيال
مش خايفه منها
العيال مش خايفه موتها
العيال خايفه لترحل قبل ما تشوفكيا غزه
رافعه راسك
قبل ما تدوسى اللى داسك
كل القنابل
والقذائف
والشظايا
ف قلوبنا ترسى
ترسم فى لوحة الوطن
حبك يا غزه
أرسم بدمى عيون حبيبتى
تجرى عروقى
شايله شوقى
تبعت رسايل للعرب
ياناس يا هووه
كل طفل عندكم فى حُضن أبوه
واحنا عرايا
واحنا ف صدورنا كوم رصاص
احنا خلاص
حبة جماجم
مرميه فى وسطك يا غزه
مش لاقيه قبر يضمنا
مش لاقيه دنيا لحلمنا
ضاقت بنا
كل الطرق
تاه بعضنا
مش لاقى بعضه
غصن الزتون
مش لاقى أرضه
ومعادنا فوق
عند جنة ربنا
والنصر جى
--
محمد على يناير 2009
|
والله كلمات مؤلمة اوووووووووى ومعبرة اوى عن حالنا وحالهم اعاننا واعانهم الله
حقيقى كلمات تدمى القلوب رغم انها كلمات بسيطة لكنها نافذة الى قلوبنا
جزاك الله كل خير على احساسك العالى بحال اخواتنا وجزاك كل الخير على نقل الاحساس الرائع ده لينا