اقتباس:
المشاركة الأصلية كتبت بواسطة badnamef4
أستاذة ananoo أستأذن حضرتك في سؤال
الكشف الطبي بيبقى كل يوم عادي في الكلية؟ ولا بيبقى يوم واحد في الكلية و اللي ميجيش يروح مستشفى الطلبة؟ ولا إيه النظام بالظبط؟
و فيه أي كتب تنصحي الطلبة اللي طالعين سنة أولى يشتروها من معرض الكتاب يتسلوا فيها؟
و شكراً مقدماً
السلام عليكم و رحمة الله و بركاته
|
على ما اتذكر يعني اني لما روحت اقدم اوراقي قالولي روحي العيادة بتاعت الكلية عشان الكشف الطبي وكانت بتقفل الساعة 2 فلازم اروح قبلها بس كدة والعيادة المفروض مفتوحة كل الايام يعني
بالنسبة لموضوع الكتب هوة انا بصراحة مقرتش قبل ما اخش اي كتاب
بس لما دخلت الكلية جبنا كتاب اسمه (object oriented with c++ ) هوة كبير جدا طبعا بس هوة من الكتب المهمة جدا اللي الدفعات اللي اكبر منا نصحونا اننا نقراه بس مش عارفة اذا كنت هتقدر تستوعبه ولا لا بس هوة عموما يعتبر من اسهل الكتب في البرمجة
اقتباس:
المشاركة الأصلية كتبت بواسطة badnamef4
آه معلش و حضرتك القاهرة ولا عين شمس؟
إيه الأقسام اللي موجودة في عين شمس و مش موجودة في القاهرة؟
و إن التخصص من سنة رابعة في عين شمس ده ميزة ولا عيب؟
و من خبرة حضرتك إيه ميزات القاهرة عن عين شمس و إيه ميزات عين شمس عن القاهرة؟ و ندخل معاهم حلوان بالمرة
السلام عليكم و رحمة الله و بركاته
|
انا عين شمس
بالنسبة للاقسام اللي اعرفه ان قسم (bioinformatic) ده موجود في عين شمس بس وهوة قسم خاص وبيبقى من سنة اولى
ممكن تقرى الموضوع ده بيتكلم على كل الاقسام في كل الكليات
http://www.thanwya.com/vb/showthread.php?t=151552
بالنسبة للتخصص في سنة رابعة عندنا انا شايفها ميزة لان احنا لما بنوصل سنة تالتة بنبقى عندنا معلومات اكتر عن كل قسم من الاقسام فبالتالي نقدر نختار بمعرفة اكتر
السؤال الاخير صعب اوي
هتلاقيني متحيزة لعين شمس لاني معرفش غيرها بس هية اصعب واحدة وفي داكترة ومعيدين بيقولوا انها تعتبر احسن واحدة من حيث العلم
اقتباس:
المشاركة الأصلية كتبت بواسطة badnamef4
و معلش بقى أزيد في الرخامة حبتين
الموقع بتاع طلبة عين شمس دخل دماغي يا ترى فيه زيه في القاهرة؟
و أنا بفكر أعمل واحد زيه لو مفيش فأعمله مع نفسي ولا أبقى أكلم الإدارة ولا اتحاد الطلبة؟ يمعنى : إيه الخطوات اللي خدوها عشان يعملوا الموقع ده؟
السلام عليكم و رحمة الله و بركاته
|
اعتقد هتلاقي زيه للقاهرة بس لو مفيش اعتقد لازم عشان تعملة تاخد موافقة من الكلية عشان يبقى رسمي
وعادي برده لو تعمله بس الفكرة انك ازاي هتسوقه يعني مين اللي هيدخله في الاخر
احنا الموقع بتعنا معمول من قبل ما اخش الكلية عشان كدة انا معرفش بالظبط هما عملوا ايه
احسن لو تسال حد في القاهرة عن الموضوع ده اعتقد انهم عاملين واحد
لو عندك اي اسئلة تاني او في حاجة مش واضحة ياريت تسال
وبالتوفيق ان شاء الله