السلام عليكم ..
فيـــــنك يا أخـــــــلاص ؟؟؟!!
طبعا أخلاص دي مش واحدة ست 
هتكلم عن
الاخلاص ..!!
هي كلمة كبيرة اوي بس مش موجودة كتير دلوقتى بينا ..
يعنى بسيط اوي لما تلاقي واخد بيخلص لواحد تاني سواء كان صحبه او حبيبه او كانوا متجوزين حتى
فعلا أمبارح سألت نفسي ..
هو ليه بيبقى 2 أصحاب اوي و تشوفهم دايما فى كل مكان مع بعض و بيحبوا بعض جدا
و تقول دول لايمكن يزعلوا مع بعض ابدا ..
و تيجي لو حصل بينهم مشكلة مثلا ..
ييجى شخص قدام اى واحد من الاتنين دول .. و يقول" فلان ده كذا و كذا .."
طبعا كلنا هنفتكر ان الاخ ده هيدافع عن صحبه لان مهما كان زعلان منه فهو كان صحبه و حبيبه
فى يوم م الايام ..
لا تلاقيه يقولك " اه يا راجل ده كذا و كذا و كذا و كذا "و يزود ييجي 50" كذا" تانية و مش بعيد يتريق عليه ..
---
او زوج و زوجته انفصلوا .. تلاقيهم بيقولوا كلام من ورا بعض " الخاين الدون "
و هو " دي لايمكن تكون أنسانة "
و الكلام ده .. مع انهم كانوا بيحبوا بعض و اتجوزوا بعض
بس برضه مش بيخلصوا لبعض
كلمة" أخلاص " بقت شبه منعدمة فى حياتنا .. !!
طبعا فى ناس كتير مخلصة 
سواء كان لزوجته او لاى شخص ليه تعامل معاه
و ناس كتير مخلصــة جدااااااا فى عملها
-
بس بجد اللى دفعنى أكتب التوبيك ده ..
ان بشوف ناس كتير بتخلص لناس تانية لمجرد انه كان حبيبه او صحبه او ... الخ
بس الطرف التاني بقى .. " ولا الهواء" 
و مش بعيد يتّريق او يقول كلام من وراه او او ... الخ
انا عن نفسي مريت بحاجة زي كده .. بس حسيت انى كنت عبيط لما كنت مخلص لحد "...."
بلاش
---
انتوا ايه رأيكم فى الموضوع ده ؟
الموضوع حلو بس فكرنى بحجات ماصدقت نسيتها
و هل تعرضتم لموقف زي كده ؟
اه لاسف مع انى مش من النوع ده ابدااا والحمد لله
و كان ردود فعلكم ايه ؟
اتصدمت بصراحه بس اتعلمت منه حاجات كتير
اتعلمت ان فى ناس ماتستحقش الاخلاص ده
مستني آراءكم