[ccna.and.mcse]

مع احترامى للزميل ( الزملاء ) اللى كاتب و الدكتور المشرف ..
لما هى كلية حاسبات بتدرس مواد تجارية و برمجة و كلية مش بتسجل فى نقابة المهندسين و كلية تعبانة من نظرك طيب بتذكرها لية .. معنى ذكرك ليها يديها قوة و أهمية و ليس العكس لان معنى انك تحطها فى الإعتبار و تذكرها دة معناة حاسس بأهميتها لان الشىء النكرة لا يُذكر .. تصرفات عجيبة بصراحة
الأغرب من كدا ان اللى كاتب مش فاهم اى حاجة عن مجال الحاسبات بالمرة يعنى هو بيدرس كهرباء حاسب و مش عارف حاجة عن الحاسب لان الحاسب مش بس برمجة .. فروع الحاسبات و المعلومات فروع كبيرة جدا منها على سبيل المثال و ليس الحصر

. أنظمة الذكاء الاصطناعي
· الواقع الافتراضي
· أنظمة الرسم بالحاسب و الوسائط المتعددة و معالجة الصور
· إدارة الأزمات المعلوماتية
· نظم النمذجة و المحاكاة
. هندسة المعلومات
. البرمجيات الصناعية

دة بالإضافة الى ان كلية الحاسبات و المعلومات بها 8 شعب معتمدة كالاتى

. علوم الحاسب
. تكنولوجيا المعلومات
. نظم المعلومات
. هندسة البرمجيات
. نظم الحاسبات
. شبكات الحاسب
. الحوسبة العلمية
. نظم دعم و إتخاذ القرار

دة الأغرب من كدا بيقولك القسم حلاوتة انة بيخليك تحل المشاكل ، دة مشاكل اية بقى ، تقريبا مفكر ان دراسة الحاسبات و المعلومات بيصلح هارد ديسك مثلا .. انا طبعا بلتمسلة العذر لانة مش بيدرس حاسبات لكنة بيدرس كهرباء الكترونيات الحاسب الألى فمنظورة و محيط تفكيرة على قدة ..

اللى عامل ملف دة فتى فى حاجات كتير اوى و معلوماتة ملهاش علاقة بطبيعة التخصصات ولا سوق العمل كمان بما فيهم عن التخصصات الأخرى

مع ملاحظة ان خريج هندسة كهرباء حاسب لم يعد منافس فى السوق و زية زى بتاع تجارة ، بتاع تجارة أخد كورسين بفلوسة لكن بتاع هندسة أخد كورسين مجانى فى الكلية و فيهم بطالة كمان

ياريت عيب و نبطل تسفية فى بعض .. لان كلية الهندسة بصفة عامة ليها عيوب كتير و كفاية عليهم بتوع تعليم صناعى ..

كلية الحاسبات والمعلومات مشروع وطن ... لانها عليها العبء الكلى فى تحويل المجتمع المصرى كلة الى مجتمع معلوماتى تكنولوجى بما فيهم الجيش المصرى لازم يتحول من جيش تقليدى لجيش معلوماتى تكنولوجى