[أ/رضا عطيه]

المشاركة الأصلية كتبت بواسطة أ/رضا عطيه

طفل انجليزى اسمه أوسكار

طلب منه يكتب فى الواجب المدرسى مجموعة من الكلمات تنتهى ب ing ؛

فكتب أغنية لمحمد صلاح :

...mo salah running
.. Down the wing
..the egyptian king

... محمد صلاح زار أوسكار واتصور معاه.

وانتشرت صورته معه على مواقع التواصل ؛

لوعندنا فى مصر والولد كتب عن لاعب أهلاوى

كان الزملكاوية ولعوا الدنيا

ولو الولد كتب عن لاعب زملكاوى

كان الأهلاوية طالبوا برفده من المدرسة

لسه محتاجين كتييييييير لنتقبل رأى غيرنا وخاصة الأطفال

صحيح بدأنا لكن الوصول لما نأمل محتاج صبر جميل

المهم والأهم كمان نحمى الكورة المصرية من توغل المال الخليجى

فى

2 - 3 - 2018--
قلنا لكن اصحاب الكرافاتات الشيك ازاى هيستمعوا لنصح اصحاب الجلباب الفلاحى

المهم والأهم كمان نحمى الكورة المصرية من توغل المال الخليجى


وائل جمعه انتقل من المحلة للاهلى بمبلغ لوسألته عليه هينكسف يجاوبك

دلوقتى لو الاهلى اشترى لاعب من سموحه أو المقاصة أو وادى دجلة لن يقل عن 10مليون

ولاد اللعيبة لعبوها صح

وحولوا الاندية لمتجر المهم المكسب

بقى عندنا دورى فيه اندية واتحاد بيشغى بالملايين ولعيبة مالهاش فى الكورة

بقى دورى مصر صبح دورى فودافون

وكاس مصر صبح كاس شركة راعية اسمها كدا

نحلوا الكورة من هيئتها وكان جاى أكتر من مندوب يمحيها من مصريتها

اندية تفتقر لمهاجم يسد عجز الناقص فى المنتخب

منتخب مش لاقى مهاجم لان الدورى المصرى معظم مهاجمينه افارقة

ياترى دا بيحصل فى انجلترا واسبانيا ولا الاحتراف عندهم على اساس صح

كورة ولعيبه وفلوس

لكن الاحتراف عندنا بيظهر فقط عند الكلام فى الفلوس