[**تسابيح**]

السلام عليكم ورحمة الله وبركاته
بعيداا عن السياسة خلينا نتكلم ف حياتنا الاجتماعية أحسن
أنا عن نفسي هاتكلم عن موضوع بيقبلني كثير..
هو التعامل مع الناس
أنا اتعاملت مع ناس وكلنا كل يوم بنتعامل مع ناس
واحنا في الأصل ناس
لكن المشكلة هي طريقة التعامل
فهل ياتري أعامل الناس زي ما هما بيعملونا..؟!
مثلا في الدراسة بما إني لسه طالبة ومش خرجت للحياة العملية..
عندنا مادة صعبة في الكلية ..هي مش صعبة بالمفهوم دا
بس هي مش مهضومة..
المهم رحت أكلم واحدة ..أطلب منها أني أنقل المحاضرة بتاع الدكتور...
أنا..معاك محاضرة الدكتور أحمد..*اسم وهمي*
البنت...أحمد مين..؟
أنا..دكتور أحمد بتاع التصوير..
البنت ..تصوير ايه
أنا مع تركها : خلاص مش عايزة حاجة
كان معنا واحدة صاحبتي ..فبتقول لها..يالهوي ع الناس..احنا هنستهبل ع بعض
بئا مش عارفة أحمد مين..
فبعدين وقفتنا تاني ..وقالت لا بجد معلش فكريني..
المهم بعد لما فكرتها..آل يعني البنت ناسية
طلعت الكشكول وقالت انا لسه كنت بكمله من واحدة وهخلص واديك
ملاحظة بلوظة ..أني هي عادي ممكن تطلب كشكولي..
أو أنها تشوف شغلي العملي يعني..
تفتكروا أعاملها زيها واستهبل بئا أحمد مين
.....
دا حاجة..
واحدة كانت مصاحبة واحدة تانية
البنت الثانية دي...حبيت توقع بين البنت وشلتها..
هي دماغها صغير..
قالت كلام علي البنت ..كلام بنات يعني..
انها مثلا قالت ع فلانة كذا وعلانة كذاا
الكلام الأهبل بتاع بنات لما يوقعوا بين بعض
طبعا أصحاب البنت مش صدقوا..وانصموا للبنت ف الآخر
وصاحبوا البنت التانية اللي وقعت..
لكن البنت الأولي ممكن تعمل زيها وتوقع
وتشوها خالص..
بس فضلت انها تقطع علاقتها بيها أحسن..

....
ومواقف كثيرة جداا..
بنلاقي أن فيه ناس بتعاملنا بسوء
وتلاقي الموقف بيعيد نفسه ونحن في مركز قوة ..وهي ضعف
عن نفسي
بعيداا ع المثالية الزائدة
ببقي نفسي بجد استغل الموقف..
وببقي حاطة في دماغي اني اكون شريرةبئا
واعاملها بنفس المعاملة..
لكن فجأة أول لما ألاقي الحد دا أدامي...
بجد بنكسف جداا اني اعامله بنفس الأسلوب..!!
بس مش عارفة ...بئا
من المفروض ألا نلوث قلوبنا من أجل الترابيين
ولكن غبارهم يتصاعد إلينا
حد فاهم حاجة