مفيش تعيين ............ مفيش شغل ولا شرح

[أ/مصطفى محمود]

انا مش مع الراى ده
يا جماعه طالما ارتضيت عمل مقابل اجر اعمله
معجبكش سيبه وشوف غيره او سافر
قال تعالى (( هو الذى جعل لكم الارض زلولا فامشوا فى مناكبها وكلوا من رزقه واليه النشور ))
شوف سفر او عقد فى مدرسه خاصه
او اشتغل ف السياحه
انما انك تعطل مصالح طلاب مش ليهم دعوه بمشكلتك مع الازهر ف التثبيت
فدا عين الجهل
انا متعاقد ف الازهر يا جماعه احسن حد يفتكر غير كده

انا اقول لا امضاء ثم اضراب امام المناطق
ولكن الضغط هو عين القوة وما دام رأي الاعتصام السلمي ضاع ولم يحرك شيخ الازهر و مسئوليه ، ونحن في قانون الغابة فالقوة افضل ...والعين وبالعين وليس عين الجهل كما تقول ، ولو انتظمنا لن يسأل فيك وفينا احد ، وعموما كيف اسمح لنفسي اولا ان اضيع 5 سنين من عمري ان لم تكن ..و اظلم نفسي يعني اروح ابدء من الاول في حته تانية ده مستحيل وعين الجهل و عين الحرام ، ومش ذنبي اني معلم بل شرف فكيف اضيع مهنتي هباء بغباء ، ومش ذنبي انه شيخ الازهر ضعيف ، والازهر كله ضعيف
وكما اكدت مصالح الطلاب - التي تقول عنها - تكمن فينا نحن ، و مصلحة التعليم تبدء باصلاح احوال المعلم وليس اهانته ، وظلمه
والشئ الثاني انظر لاحوال الطلاب الثانوي الازهري و احوال الثانوية الازهرية لا تسر عدي ولا حبيب
وقرارات خاطئة و انصياع وانقياد لقرارات التربية والتعليم دون ادني فهم ، تفتكر انه ده مش خطأ ، وليس هناك داعي لتكرار ردي السابق.
كفاية انه لما أحب الازهر يعمل حاجه كويسة وهي الفصل الشرعي دمر بعض المعاهد ، وانا اتكلم عن تجربة شخصية لمعهدي
ان هذا القرار دمر معهدين كبار ثانوي واعدادي واطاح بالتعليم فيهما على الرغم من ان مستواهما كان في ارتفاع مستمر ولكن اين العقل المفكر ، فكان مصير الاثنين ان الاول قلت مدة الحصة ل 35 دقيقه ، والثاني الاعدادي اصبح فترة ثانية وبدءت الطلاب واولياء امورهم والمدرسين انفسهم تزهق من بدء العمل الساعه 12 ، وتحول باقي المعهد الى فصول تدريس ، وفندق لطلاب الفصل الشرعي..بالذمة ده مش ظلم للطلاب اكتر
فبلاش والنبي نغمة مصلحة طلاب الازهر والتي هي ضائعه بالفعل ، ولعل وعسى موضوع الاضراب ده يصلح حجات كتير
واتمنى الا تصل الامور للدراسة وتجديد العقود كما يقال ، لانه ستصبح كارثة تنبء بفشل زريع جدا لقيادي الازهر ، وضعف ما بعده ضعف سنستمر فيه لاعوام حتى لو تم تثبيتنا.
وشكرا