المعهد العالى للهندسة والتكنولوجيا بالزقازيق

[ahmed...fahmy]

ايه رأيكم فيه هو أول سنة يشتغل السنادى وأناجايب93.7 وعايز أقدم فيه ومش هينفع أروح ولاالشروق ولاالعاشر وسألت عليه وكده وقالولى انه معتمد أدخله ولاأدخل حاسبات ومعلومات

[Eng.Ahmed Hagag]

ليه مش هينفع تروح الشروق أو العاشر ..
مجموعك ده مكانه الشروق

[ahmed...fahmy]

المشاركة الأصلية كتبت بواسطة eng.ahmed hagag

ليه مش هينفع تروح الشروق أو العاشر ..
مجموعك ده مكانه الشروق

عشان انا من الزقازيق ومش هينفع أروح وأرجع كل يوم ومش هينفع أسكن هناك شوية مشاكل كده يعنى المهم أتوكل على الله وأدخل الزقازيق ولامش هيبقى كويس ومش هعرف أشتغل بشهادته

[gamal5555_5555]

على فكرةدة ملهوش طابع تنسيق

[ahmed...fahmy]

المشاركة الأصلية كتبت بواسطة gamal5555_5555

على فكرةدة ملهوش طابع تنسيق

ماأناعارف ده عشان أول سنة ملحقوش يدخلو التنسيق السنادى فالمسئول بتاعه قالى اكتب اى كلية عادى وبعدين هاتلى الورق وأنا أحولك فيه

[shimaa_33]

طيب ممكن تكتب معلومات عنه وعن مدة الدراسه والاقسام الموجوده فيه والمصاريف لاني بافكر ادخل بتاع القليوبيه بس كده الزقازيق اقرب

[ahmed...fahmy]

المشاركة الأصلية كتبت بواسطة shimaa_33

طيب ممكن تكتب معلومات عنه وعن مدة الدراسه والاقسام الموجوده فيه والمصاريف لاني بافكر ادخل بتاع القليوبيه بس كده الزقازيق اقرب

هو أول سنة يشتغل السنادى يعنى هنكون أول دفعة وهو فيه هندسة مدنى وكهرباء وميكانيكا وخمس سنوات زى الهندسة العادية ورحت سألت وكده قالولى انه معتمد فى نقابة المهندسين ومصاريفه9ألاف ولوجايبة فوق90فى الميه فيه خصم 20فى الميه وأنا رحت شفته وهو بصراحة نضيف وكل حاجة جديدة وكويس يعنى كل اللى مخوفنى منه انه أول سنة يشتغل بس ومكانه جمب كوبرى الزراعة علطول وهدخله انشاءالله أهلابيكى معانا

[titi1]

المشاركة الأصلية كتبت بواسطة ahmed...fahmy

هو أول سنة يشتغل السنادى يعنى هنكون أول دفعة وهو فيه هندسة مدنى وكهرباء وميكانيكا وخمس سنوات زى الهندسة العادية ورحت سألت وكده قالولى انه معتمد فى نقابة المهندسين ومصاريفه9ألاف ولوجايبة فوق90فى الميه فيه خصم 20فى الميه وأنا رحت شفته وهو بصراحة نضيف وكل حاجة جديدة وكويس يعنى كل اللى مخوفنى منه انه أول سنة يشتغل بس ومكانه جمب كوبرى الزراعة علطول وهدخله انشاءالله أهلابيكى معانا

اول شىء دة حريتك

لاكن نصيحة ما تدخلة لان لسبب المعهد لسة مش معتمد والا كان نزل فى موقع نقابة المهندسين

+ ان النفابة ما بتعترف بمعهد الا لما يخرج اول دفعة يعنى هتقعد 5 سنين ما هيعترف بيك ولما تتخرج ممكن يعترف او لا فالاضمن ادخل معهد معترف بية تبقى بعيد عن اى شبهة

وليك مطلق الحرية فى اختيارك

تحياتى

[zemo22222]

دا معهد غير معتمد واغلب المعاهد دى بتبقى غير معتمده
ابعد عنها احسن

[shimaa_33]

طيب ما هو حسب قرار الوزير ممكن نبقي مسجلين في النقابه لاننا فوق ال84% المحدده للمعاهد ولا ايه الوضع

[titi1]

المشاركة الأصلية كتبت بواسطة shimaa_33

طيب ما هو حسب قرار الوزير ممكن نبقي مسجلين في النقابه لاننا فوق ال84% المحدده للمعاهد ولا ايه الوضع

انت بتخلط القرارات ببعضها

اول شىء القرار بتاع الوزير هيطبق على الطلبة الى جايبة فوق المجموع دة بس تكون خارجة من معاهد معتمدة من النقابة

يعنى مش اى حد جايبلى مثلا 100 % لاكن دخل معهد مش تبع وزارة التعليم العالى ويطلع مهندس والنقابة تعترف بية لا طبعا

لازم تدخل معهد او كلية معتمدة من التعليم العالى ونقابة المهندسين علشان لما تتخرج يبقى ليك كارنية نقابة

[ahmed...fahmy]

المشاركة الأصلية كتبت بواسطة titi1

اول شىء دة حريتك

لاكن نصيحة ما تدخلة لان لسبب المعهد لسة مش معتمد والا كان نزل فى موقع نقابة المهندسين

+ ان النفابة ما بتعترف بمعهد الا لما يخرج اول دفعة يعنى هتقعد 5 سنين ما هيعترف بيك ولما تتخرج ممكن يعترف او لا فالاضمن ادخل معهد معترف بية تبقى بعيد عن اى شبهة

وليك مطلق الحرية فى اختيارك

تحياتى

شكرا على نصيحتك وأنا لسه محتار برده

[ahmed...fahmy]

المشاركة الأصلية كتبت بواسطة zemo22222

دا معهد غير معتمد واغلب المعاهد دى بتبقى غير معتمده
ابعد عنها احسن

ازاى يعنى مش هيبقى معتمد ويقولى انه معتمد ماأكيد بعد ماأتخرج وألاقيه مش معتمد هعمل فيه محضر وهبوظ سمعته وهخليه يقفل كلام مش منطقى برده انه يضحك عليا فى حاجة زى كده وهو عايز يعمل سمعة كويسه لنفسه

[ahmed...fahmy]

المشاركة الأصلية كتبت بواسطة shimaa_33

طيب ما هو حسب قرار الوزير ممكن نبقي مسجلين في النقابه لاننا فوق ال84% المحدده للمعاهد ولا ايه الوضع

عندك حق مادام جايبين مجموع عالى وصاحب المعهد أكدلى انه معتمد واستحالة يضحك عليا فى حاجة زى كده ده معهد هندسى مش تلاجة بيبعهالى هيضحك عليا فيها ولاايه

[ahmed...fahmy]

المشاركة الأصلية كتبت بواسطة titi1

انت بتخلط القرارات ببعضها

اول شىء القرار بتاع الوزير هيطبق على الطلبة الى جايبة فوق المجموع دة بس تكون خارجة من معاهد معتمدة من النقابة

يعنى مش اى حد جايبلى مثلا 100 % لاكن دخل معهد مش تبع وزارة التعليم العالى ويطلع مهندس والنقابة تعترف بية لا طبعا

لازم تدخل معهد او كلية معتمدة من التعليم العالى ونقابة المهندسين علشان لما تتخرج يبقى ليك كارنية نقابة

الكلام ده لو المعهد قديم ومش معتمد لكن ده لسه جديد فعايز يعمل شهرة واسم لنفسه فصعب انه يضحك علينا وصاحبه عميد الحاسبات والمعلومات عندنا فى الزقازيق راجل معروف يعنى مش نصاب ولاحاجة