ضد السناتر

[ahmed khalid yehya]

فعلا الموضوع دا انتشر جدا و بقي مقرف موضوع مراكز الدروس الخصوصية و يا ريتها خصوصية دا العدد بيزيد احيانا عن 70 طالب و الدرس بيبقي بمبلغ و قدره فالمرتب الاب يقبض من هنا و السنتر يبلعة من هنا و الطلبة هجروا المدارس لدرجة اني رحت المدرسة النهاردة كأني شاذ عن القاعدة كل لما اقول لحد اني في تالتة ثانوي يستغرب اوي اني جاي المدرسة و روحت من غير ما اخد اي حصة لان انا الوحيد اللي كنت في المبني بس انا شايف ان العيب مش المدرسة العيب في اولياء الامور اللي مستسلمين للامر الواقع و للاسف ان انا جزء من منظومة السناتر دي يعني باخد دروس فيها من تانية بس الواحد حاسس بالذنب و منش عارف يعمل ايه ممكن الوزير ياخد حل جذري بسحب تراخيص السناتر دي و لا الحل فين