حاسبات ولا تجارة انجليزى ؟؟

[Hossam Devo]

السلام عليكم

انا احترت بين الكليتين
فى ناس بتقول حاسبات احسن وناس بتقول تجارة انجليزى احسن وشغلها مضمون اكتر

+ فى ناس بتقول حاسبات عيوبها اكتر لان ملهاش نقابة ولما تتخرج يا اما تشتغل ف شركة كبيرة اوى او تشتغل فى شركة صغيرة اوى

وانا الحقيقة مش عارف اختار ايه

ياريت ارائكم افادكم الله

[amrdruid]

انا هكون فى سنه تانيه حاسبات إن شاء الله ..
اولا : بالنسبه لنقطه النقابه , النقابات عموما ملهاش أى لازمه , خصوصا الخاصه بالتجاريين , غير إن فيه الجمعيه المصريه لمهندسى البرمجيات , النقابه كل الموضوع ناقصه مجلس الشعب يتشكل عشان تصدق على القرار مش أكتر

ثانيا : بالنسبه للكليه , شوف ميولك إيه , نفسك فى إيه أكتر , و لازم تكون عارف طموحك فين , نفسك تشتغل فى شركه كبيره , لو ده طموحك فعلا حتشتغل و تجتهد على أساسه .
لو نفسك فى شغل مضمون و ده مش عيب أبدا , ممكن تخش أى كليه سواء تجاره او حاسبات , الإتنين شغلهم مضمون .

اهم حاجه حدد ميولك و قدراتك و طموحك

[Hossam Devo]

انا بميل اكتر لحاسبات
بس خايف ادخلها وارجع اندم واقول ياريتنى كنت دخلت تجارة انجليزى
لان اللى فهمته ان تجارة انجليزى اضمن من نحية الشغل

[amrdruid]

ما انت ممكن تخش تجارة و تندم برضوا =D
مستقبلك أنت إللى بتشكله بمجهودك و بتوفيق ربنا , سواء فى الكليه ديه او الكليه ديه ..
و أنصحك تشوف الفيديو ده , ليه علاقه بحاسبات :
=)

[Eng.Mo'men]

حاسبات طبعاً