حاسبات ولا تجارة انجليزى ؟؟

[Hossam Devo]

السلام عليكم

انا احترت بين الكليتين
فى ناس بتقول حاسبات احسن وناس بتقول تجارة انجليزى احسن وشغلها مضمون اكتر

وانا الحقيقة مش عارف اختار ايه

ياريت ارائكم افادكم الله

[vampire1188]

بص يا باشا دا من الاخر على حسب سكتك وطريقك ونصيبك اللى ربنا كاتبهولك

يعنى انا اعرف ناس اتخرجت ولبست جيش سنة ولسه لغاية دلوقتى مش لاقيين شغل

وناس تانية سبحان الله ربنا كارمها واشتغلوا في مكاتب محاسبة وبنوك واللى سافر قطر والكويت وحد صاحبي سافر انجلترا !!

فهوا من الاخر نصيب من عند ربنــا .. وانت وشطارتك بردو مش هقولك سيبها عايمة وخلاص

انت تسمع من بتاع تجارة وتسمع من بتاع حاسبات .. مافيش حاجة اسمها دا احسن ودا احسن

فيه حاجة اسمها دا مجال ودا مجال مختلف تماااااااما

مافيش حاجة اسمها انا هلاقي شغل بعد التخرج ولا لاء

لكن فيه حاجة اسمها ربنا هايوفقني والاقي الكارير بتاعي اللى انا بحلم اكون فيه

حلم كل طالب ثانوية عامة انه يخش الجامعة عشان يعيش حياته

وحلم كل طالب جامعة انه يتخرج ويلاقي شغلانه ببدلة وكرافته ومكتب وقميص وتكييف ويتقاله الاستاذ فلان راح الاستاذ فلان جيه

وحلم كل استاذ فلان انه يبقى مدير في مكانه ويمسك منصب

وهكذاااااااااااااا .. دايرة وبتدور ومابتخلصش

[Hossam Devo]

انا فاهم انهم مجالين مختلفين خالص
وطبعا كله بارادة ربنا

طيب لو انت مكانى هتدخل ايه

[mohamed_gad_]

استاذ فامبير قالك نصيب وانت وشطارتك وهو ده ملخص الموضوع كله طبعا شغل المحاسبين في البلد بالهبل بس اصلا نص البلد محاسبين فبياخدو الناس المجتهده بس وحاسبات شغلها مش يامه زي شغل المحاسبين بس عدد بتوع حاسبات اقل من عدد بتوع تجارة والاتنين بيشتغلو بس للمجتهد وكل حاجه بايد ربنا شوف انت حابب ايه وتوكل علي الله

[MOUMEN]

شوف انت حابب ايه فيهم وادخله سيبك من الناس ومن ايه مستقبله احسن
المجال الي هتبدع فيه هو الي هيكون مستقبله احسن