|
||||||
| القسم الأدبى قسم يختص بنشر ما يكتبه كبار الشعراء والأدباءء والفلاسفة |
 |
|
|
أدوات الموضوع | انواع عرض الموضوع |
|
#1
25-04-2011, 02:08 AM
|
||||
|
||||
قصيدة ارجع يا ريس اهداء للى نازلين بكره علشان يردولوا كرامته
قصيدة ارجع يا ريس كاملة
ارجع يا ريس ورجع علاء ارجع يا ريس وبطل غباء ارجع وحياة الدويقة وبولاق ارجع تعالى يا منقذ العراق ...ارجع يا ريس تعبنا من الفراق ارجع يا ريس ده الشعب ليك مشتاق ارجع ياريس يا سبب الوباء ارجع وارفع عنا البلاء ................................... ارجع يا ريس يا رمز العزة ارجع يا ريس يا محرر غزة ارجع يا ريس وهزلنا كام هزة ارجع يا ريس ده طعم احياة مفيهوش اى لذة ارجع ده الواحد نفسيته بقت حزة ................................. ارجع يا ريس ورجع جمال ارجع وهات حميرك وهات الجمال ارجع يا ابونا يا سيد الرجال ارجع عشان اوقف عياط العيال ارجع يا خالى وعمى وامى ده انا من بعدك واتدحدر بيه الحال ده انا من بعدك بقيت عاطل مش شغال تعالى الحق بيقولوا عليك حرامى ومحتال مترجع بقى وبطل استهبال ولا انت تعبت وجالك اسهال ارجع يا ريس ياللى فلوسك حلال .................................................. .... أرجع يا ريس يا حامى الوزير ارجع يا ريس يا سند الغفير ارجع يا ريس يا ضهر الفقير ولا انت فى المستشفى وربطينلك رجلك فى السرير ده عيشتنا فى عهدك كانت حرير فى حرير ولو مش مصدقنى كنت نزلت وشفت التحرير ارجع مكانك فى قلب كل واطى حقير ارجع بالطيارة ولا حتى بالحمير ده من بعدك افتقرنا وقعدنا عالحصير ....................................... أرجع يا ريس ورجع نظيف أوعاك تسيبه ده سرق الرغيف بس حكومته كانت زكية ودمها خفيف وروح على طرة وسلملى على الشريف ارجع يا ريس يا طاهر يا عفيف ده ربيعنا من بعدك اتحول خريف ارجع يا ريس جبتلنا الخفيف ................................................ أرجع يا ريس ورجع سرور ارجع يا ريس وبطل غرور ولا انت صحيح لساك مقهور أرجع يا راجل ده زنبك مغفور ارجع ان شالله الشعب كله يغور ارجع يا ريس واوعدك هنبطل نثور ارجع يا ريس يا صقر الطيور ارجع يا ريس يا ملك البحور ارجع يا ريس وخلى ارضنا بور ارجع يا ريس واجبلك بابور ويغنيلك سعد اركب الحنطور ....................................... ارجع يا ريس ورجع شفيق ارجع يا ريس وطفى الحريق ارجع يا ريس يا طيب يا برئ ارجع متخافش وخليك جرئ ارجع ده شعبك مش مبطل فيك تلزيق مترجع بقى وبطل نهيق ويارب وانت راجع تعمل حادثة عالطريق.......................................... أرجع يا ريس ورجع سوزان ارجع يا ريس ومتبقاش جبان ارجع يا ريس يا منبع الحنان ولا تكونش بتشد فى شعرك وصابك الجنان أرجع يا ريس ولا لساك زعلان ارجع يا ريس يا عدو الامريكان ارجع يا كاسر شوكة الاخوان ارجع ودفينا ده الشعب بقى سقعان روق يا ريس وكول يا مان وهاتلى معاك شوية استقرار على حبة امان ودخل الشعب جحوره زى الفئران وجوعنا شوية يا ريس ده الشعب بقى شبعان مترجع بقى يا ريس ولا انت بقيت كسلان شبعت سرقة يا ريس ولا لساك جعان أرجع يا سند الرجالة وضهر النسوان ..................................... ارجع يا ريس ورجع جرانة ارجع يا ريس وونسه فى الزنزانة ارجع فوقنا دى البلد بقت سكرانة ارجع يا امين يا عديم الخيانة ارجع ياللى رعبت اسرائيل وخليتها جبانة ارجع يا ريس البلد بقت تعبانة ومن بعدك الدولة بقت هيمانة حيرانة ارجع يا ريس وخليك معانا ارجع يا صوت الناس الكحيانة ارجع يا ريس الوحدة بقت ***انا ارجع اكلنا دى الناس بقت جعانا ارجع حمينا دى شعوبنا بقت جربانة .................................................. ارجع يا ريس ورجع حبيب هاته فى ايدك واكله زبيب خليه يرعبنا ده راجل رهيب ارجع ياريس بيقولهالك البعيد قبل القريب ارجع يا ريس واوعى شمسك تغيب ارجع يا موحد الهلال مع الصليب ارجع يا ماكلنا زبدة ومربى وحليب ارجه ده انت لشعبك طبيب ............................................. ارجع يا ريس ورجع الغالى ارجع وخليه ينور ويلالى ده حتى سيرته مبتروحش من بالى أرجع يا ابويا وعمى وخالى ارجع يا ريس وظبط احوالى ارجع يا ريس يا سارق اموالى ............................................. ارجع يا ريس ورجع عيشة خليها تنضف الزنزانة بالخيشة وخليها تروقك وترصلك الشيشة وتطير فى الهوا زى الريشة ولو الكهربة قطعت اعملها يا ريس فيشة .............................................. ارجع يا ريس ورجع رشيد ارجع يا ريس ورجعنا عبيد ارجع يا ريس قبل ما العدل يزيد ارجع يا ريس يا زعلان عالشهيد ارجع يا ريس يا بتاع الفكر الجديد ارجع وخلص عالمعارضة وبيد ارجع واسرق ومنك نستفيد ............................. تمت فى 19 ابريل مدحت محمد حسين
__________________
الثورة مستمرة 
|
|
#2
25-04-2011, 02:51 AM
|
||||
|
||||
منتظر ارائكم وتعليقاتكم على القصيدة
__________________
الثورة مستمرة
|
|
#3
25-04-2011, 05:56 AM
|
||||
|
||||
|
رائععععععععععععععععععععععععععععععععععععععععععععععع ععه
__________________
|
|
#4
25-04-2011, 06:07 AM
|
||||
|
||||
|
شكرا يا فندم ده من زوق حضرتك
__________________
الثورة مستمرة
|
|
#5
25-04-2011, 06:51 AM
|
|||
|
|||
|
قصيدة فى منتهى الجمال وبتقول حاجات كتير وانا فعلا بهديها معاك للى نازلين النهاردة يردوا الجميل الهى ينزلوا مايرجعوا وبعد اذن سعادتك انا نشرت القصيدة على الجروب بتاعنا على الفيس بوك < شباب مسطرد > وطبعا منزلها باسم حضرتك وربنا يوفقك
عربى الشاذلى
|
|
#6
25-04-2011, 07:34 AM
|
|||
|
|||
|
بجد القصيدة دى تمثل اجمل رد للى نازلين يقيدو الرئيس المخلوع
بقى بالزمة حد يؤيد واحد مخلوع دول اكيد من اللى بياكلو سيمون فيمية ويتغدو كافيار مش حاسين ان البلد نضفت دول عملو زى اللى نضف مكان وعلى ما اتلفت لقى ناس بيقشرو بيض ع العموم ربنا يكمل نصره لينا رغما عن انف هؤلاء وجزاك الله كل خير
|
|
#7
25-04-2011, 07:42 AM
|
|||
|
|||
|
سيادة الرئيس ... ارجعلنا مش انت واحدمننا ؟؟ـ و عمرك في يوم ما سرقتنا ولا خدت مليم مننا ما تيجيطب ترجعلنا تقعد بأهلك وسطنا أهو مرة تاكل أكلنا وتلبس ياخويا من لبسنا وتعيش في حارة او في شارع زينا قلت ايه ؟؟ يا حارقدمنا *** سيادة الرئيس ... ارجعلنا وغداك يا سيدي عنديأنا رز و بطاطس مسرطنة لحمة ؟؟... مفيش من سنة فاكهة ؟؟... تعيش انت و أنا و الشاي .. بآخر معلقة م السكر اللي كان عندنا عشان تعرف أزاي أنتظلمتنا
__________________
سبحان الله وبحمده سبحان الله العظيم
|
|
#8
25-04-2011, 07:47 AM
|
|||
|
|||
يا سيادة الرئيس ارجعلنا
 سيادة الرئيس ... ارجعلنامش انت واحد مننا ؟؟ـ و عمرك في يوم ما سرقتنا ولا خدت مليم مننا ما تيجي طب ترجعلنا تقعد بأهلك وسطنا أهو مرة تاكل أكلنا وتلبس يا خويا من لبسنا وتعيش في حارة او في شارع زينا قلت ايه ؟؟ يا حارق دمنا *** سيادة الرئيس ... ارجعلنا وغداك يا سيدي عندي أنا رز و بطاطس مسرطنة لحمة ؟؟... مفيش من سنة فاكهة ؟؟... تعيش انت و أنا و الشاي .. بآخر معلقة م السكر اللي كان عندنا عشان تعرف أزاي أنت ظلمتنا
__________________
سبحان الله وبحمده سبحان الله العظيم
|
|
#9
25-04-2011, 08:50 AM
|
|||
|
|||
|
يرجع ولامايرجع فات الميعاد وكله مجــــــرد كلام فى كلام
يرجع ولا مايرجع وكل منافق زمان صبح بطل لهذه الأيام يرجع ولامايرجع والرعب مالينا من ناس تستحق الإعدام واللى كانوا فى جره وطلعوا بره وبيقيموا الحد باسم الاسلام لاقضاء بيحكم ولاحد بيصبر على العداله والأحكام يرجع ولامايرجع والعميل صبح بطل قومى مغلف بأوهام يرجع إزاى وكل برادعى بيتغنى بيه كداعية للأمن و السلام يرجع ولامايرجع وعيد تحرير سينا مرعلينا فى صمت تام وكأنه نكسه نتبرأ منها وكأن دم شهداء الحروب مجـــرد أفلام وشهداء ميدان التحرير هم فقط من لهم كل الحق والاحترام يرجع ولامايرجع واحنا بقينا فى وطن كله ألغام فى ألغام ــــــــــــــــــــــــــــــــــــــــــــــــــ ـــــــــــــــــ مش عايزينه يرجع بس ياريت احنا اللى نرجع بالوطن للأمن والأمان ولامن أجل شخص أو أشخاص ننسى ألاف الشهداء وماقدموه زمان ونعلى ناس فوق ناس ونعلى عميل أمس ونكتب اسمه فى كل ميدان ــــــــــــــــــــــــــــــــــــــــــــــــــ ـــــــــــــــــ حرام عليناياناس تكون مشاعرنا انهارده هى هى مشاعر الصهاينه كارهين تاريخنا زى أعدائنا ونتجاهله ونتغنى بأمورهابطه و فانيه عيد الربيع غطى على كل حروب التحريرو السنادى (حاجة تانيه) ــــــــــــــــــــــــــــــــــــــــــــــــــ ـــــــــ ومش كل معارض زمان يبقى هو الوطنى والحر الأن ويامه ناس بتوب مصرى لكن الفكر أوربى وأمريكان ورأيهم فى كل مصرى متخلف وعاداته وطباعه مورستان وعايزنها دوله كله مباح ومتاح - ولا حاجة لكل الأديان ــــــــــــــــــــــــــــــــــــــــــــــــــ ـــــــــــــــــ وربنا يولى من يصلح
__________________
الحمد لله
|
|
#10
25-04-2011, 09:23 AM
|
||||
|
||||
__________________
       تحيــــاتي وتقــديري للجمــــيع   <CENTER></CENTER><CENTER></CENTER>
|
|
#11
25-04-2011, 06:47 PM
|
||||
|
||||
|
شكرا يا جماعة على ردودكم ويبدو ان موضوعى اتحول لساعة شعرية وده يسعدنى طبعا علشان رضا باشا الجوهرى كتب عندى
__________________
الثورة مستمرة
|
|
#12
25-04-2011, 08:16 PM
|
||||
|
||||
|
هههههههههههه التوبيك جامد جداااااااا
وحلو الاشعار التانية اللى الناس كتبتها
|
|
#13
28-04-2011, 05:25 PM
|
|||
|
|||
|
جميلة ورائعة جدا
احنا مش عاوزينه يرجع عاوزين بس يتعذب بكل نقطة دم من دماء الشهداء وكل دمعة ام نزلت على فراق ابنها جزاك الله خيرا
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:55 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
