هتعمل ايه يامتعاقد ؟

[the keng]

هتعمل ايه لو شهر سبعه جه ومتعينتش واحب اقولك ،
هعتقول استني لنصف سبعه،
وبعدين لما سبعه يخلص

وهيجي سبعه وهيخلص سبعه واحنا زي ما نحنا عارفين ليه لاننا (مش هقول مش رجاله) بس هقول لاننا لم ندرك الحقيقه وهي اننا في نظام فاسد نحن جزء منه وكلنا ساهمنا فيه

الساكت عن الحق شيطان أخرس

فين وعود شيخ الازهر

هو شهر مارس خلص ولا لسه

الاساسيين مع كامل احترامي لهم لما وزارة الماليه فكرت بس بعدم وضعهم في الاجور خربت الدنيا وبقي في تنظيم للمظاهرات وللعدم خوض الامتحانات ، اما نحنا الغلابه فمجرد الكلام بس يقولك الاستاذ المحترم متخربش البلد البلد مش ناقصه، هي جت عندنا وخربت .




واديني مستني معاكم شهر سبعه وثمانيه وتسعه وربنا يدينا عمر علشان نشوف أخر المسرحيه اللي طولت وباخت قوي

وربنا يخيب ظني في شيخ الازهر ، لان ثقته اهتزت ومهما فعل وقال فلا يمكن ان يعود كما ظننا منه

وابقي قولي هتعمل ايه يعم المتعاقد الازهري لما يوليه يحصل يونيه

[ام رهف]

اولا هفسخ العقد

[the keng]

ده مش حل يا ام رهف ده استسلام

[ام رهف]

انا راسلت الجهاز المركزي للتنظيم والادارة وسألتهم عن ميعاد التثبيت فكان الرد انه يرجى الانتظار لحين مراجعة العقود وراسلتهم تانى هل متعاقدي الازهر يمكنهم استلام جوابات التثبيت مع بداية العام المالي الجديد فكان الرد انهم حقيقة لا علم لهم متى تنتهى مراجعة العقود يرجى الانتظار
هل تتوقعوا اننا هنتثبت في الميعاد اللي كلنا منتظرينه والله لو عاملين حسابنا كان حد جاب سيرتنا انما تكلمو على كل مايخص الموازتة الجديدة من تثبيت مؤقتين 37 الف من التربية والتعليم واتكلمو عن متعاقدي الاثار وميزانية الاطباء تعيين اول 1700 ج ومرتبات الصيادلة اللي زادت تعيين اول 1200 جنيه لا والحد الانى للاجور ده كوم تانى
انما ولاد البطة السودا ولا حد عبرهم
ياريت نتكاتف ونحط ايدينا في ايد بعض ونشوف احنا بالضبط محتاجين نعمل ايه علشان مانخسرش اكتر من اللي خسرناه

[ام رهف]

المشاركة الأصلية كتبت بواسطة the keng

ده مش حل يا ام رهف ده استسلام

انا عارفة انه مش حل ومش مقتنعة بيه انا اتبهدلت في الشغلانة دي ويعز عليا انى انهيها بالبساطة دي بس لو مااصبحش قدامى غير الحل ده هاضطر اعمله وده ممكن يكون في نهاية الشهر اياه لان في قرارات مهمة في حياتى مركونة على التثبيت

[the keng]

كدا الحكايه بانت علي الاخر
ومفيش تثبيت يامتعاقدين الازهر

وكفايه نوم كدا خلاص معدش في كلام تاني علشان يتقال والله لو فيها خير لكان ظهر
انتوا مش وخدين بالكم من حاجه ان الازهر عايز 70 الف درجه ماليه والميزانيه خلااااااااااص بح
مفهاش مكان فاضي

كل عام وانتم طيبون والي اللقاء في وعود جديده مع ميزانيه جديده

[ام رهف]

ياكنج
عاوزين نتكاتف ياما وفد يجمع توقيعات ويقابل شيخ الازهر
ياما اعتصام يوم 500 واحد يشرفوا قدام المشيخة ومنركنش على بعض
يااما نستعوض الحكاية بقا وننتظر لما يعطفو عليناب10 الاف درجة ويقولولنا التثبيت على مراحل اصل عددكم كبير
على فكرة رد الجهاز المركزي عليا بتاريخ 5\6 يعنى اليوم

[the keng]

المشاركة الأصلية كتبت بواسطة ام رهف

انا عارفة انه مش حل ومش مقتنعة بيه انا اتبهدلت في الشغلانة دي ويعز عليا انى انهيها بالبساطة دي بس لو مااصبحش قدامى غير الحل ده هاضطر اعمله وده ممكن يكون في نهاية الشهر اياه لان في قرارات مهمة في حياتى مركونة على التثبيت

كل المتعاقدين خلاص تعبوا انا عن نفسي أقسمت بالله العظيم اني لن أدرس مره أخري وامسك الطباشيره وانا متعاقد تاني ، كدا خلاص.

وربنا يخيب ظني في موضوع التثبيت

[the keng]

المشاركة الأصلية كتبت بواسطة ام رهف

ياكنج
عاوزين نتكاتف ياما وفد يجمع توقيعات ويقابل شيخ الازهر
ياما اعتصام يوم 500 واحد يشرفوا قدام المشيخة ومنركنش على بعض
يااما نستعوض الحكاية بقا وننتظر لما يعطفو عليناب10 الاف درجة ويقولولنا التثبيت على مراحل اصل عددكم كبير
على فكرة رد الجهاز المركزي عليا بتاريخ 5\6 يعنى اليوم

انا من سوهاج يعني بكل صراحه موضوع مقابله شيخ الازهر دي علي متعاقدي القاهرة .
بس احنا مش هنسكت
احنا كل اللي عوزينه نحدد يوم ممكن في اخر الشهر 30/6 او 1 / 7 بس نكون فيه رجاله في كل المناطق من القاهرة لاسوان كل واحد في محافظته.

وانا عارف يا ام رهف اني الجهاز المركزي مش هيطلع 70 الف درجه ماليه بالسهوله ، وخصوصا اني محدش سأل فيه ولا هما سألين عن نفسم

يعني المفروض نحدد يوم ويبقي كلام نهائي بدون تردد

[اشرف الدمياطى]

المشاركة الأصلية كتبت بواسطة the keng

هتعمل ايه لو شهر سبعه جه ومتعينتش واحب اقولك ،
هعتقول استني لنصف سبعه،
وبعدين لما سبعه يخلص

وهيجي سبعه وهيخلص سبعه واحنا زي ما نحنا عارفين ليه لاننا (مش هقول مش رجاله) بس هقول لاننا لم ندرك الحقيقه وهي اننا في نظام فاسد نحن جزء منه وكلنا ساهمنا فيه

الساكت عن الحق شيطان أخرس

فين وعود شيخ الازهر

هو شهر مارس خلص ولا لسه

الاساسيين مع كامل احترامي لهم لما وزارة الماليه فكرت بس بعدم وضعهم في الاجور خربت الدنيا وبقي في تنظيم للمظاهرات وللعدم خوض الامتحانات ، اما نحنا الغلابه فمجرد الكلام بس يقولك الاستاذ المحترم متخربش البلد البلد مش ناقصه، هي جت عندنا وخربت .




واديني مستني معاكم شهر سبعه وثمانيه وتسعه وربنا يدينا عمر علشان نشوف أخر المسرحيه اللي طولت وباخت قوي

وربنا يخيب ظني في شيخ الازهر ، لان ثقته اهتزت ومهما فعل وقال فلا يمكن ان يعود كما ظننا منه

وابقي قولي هتعمل ايه يعم المتعاقد الازهري لما يوليه يحصل يونيه

السلام عليكم اخى الفاضل اما بعد 00000000000000000000000000000000000000000000000000 000000000000000000000000000000000ارى والله اعلى واجل واعلم ان ننتظر اول سبعة ثم بعد ذلك يكون لنا الحق وان غدا لناظره ان شاء الله قريب ونقول كرم ربنا ليس له حدود وربنا يستر واخر سبعة امسك مرتب كويس اساسا والسلام

[ام جنى]

ياباشا احنا زهقنه من الكلام ده يجي سبعه اقوللك ثمانيه ويجي شهر ثمانيه اقوللك عاشره وهكذا انت نسيت كلامهم ..........................الميعاد لازم يكون بدري وبلاش 30-6 لان عاوزنها قبل شهر سبعه.........................قبل السنه الماليه مش دي الحجه..

[111سمسمة]

ياجماعة همابيضحكوا علينا واضحه جدا فى الايام السابقة قرأت خبر تثبيت متعاقدى الاثار لمذا لم يقولوا لهم شهر سبعة
ثانيا العمالة المنضمة فى المعاهد بدأت تستلم عملها لماذا لم يقولوا شهر 7
ثالثامتعاقدى جامعة المنصورة ضحكوا عليهم هما كمان خدوا اوراقهم من شهر2 ولم يصدر لهم قرار التعيين فنظموا مظاهرات الاسبوع الماضى وتحدثوا مع الحافظ ثم اتصل المحافظ بالتنظيم والادارة فوعدهم بالحل يوم الاحد 5-6 وطبعا مفيش حل فعملوا مظاهرة امبارح
اذن الامور واضحة
الباقى علينا ان نعمل مظاهرات ولاندخل امتحانات الدور التانى كلنا اما يثبتونا او يفصلونا بس اهم شىء نتحد

[ام رهف]

طيب بالذمة ادينى عقلك ننتظر شهر سبعة لحد ماالدرجات المالية تكون اتوزعت وبعدين يثبتونا بشروطهم بقا وحلنى على مرااااااحل كل شهرين ياخدوا 10 الاف ولا ننبههم من دلوقتى انهم يعملوا حساب لازهرية في التورتة اللي بتتوزع واحنا اتكتب علينا نتفرج ونمصمص صوابعنا
ارجوكم احنا اتفقنا على الا نتفق بالعقل كده لو 15 \6 جه وماحدش جاب سيرتنا بجد انسوا ومش عاوزين نكون زي التلميذ الخايب اللي بيفتح الكتاب ليلة الامتحان

[المستشار الفنى]

أدعوكم لثلاثاء الغضب أمام المشيخة بكرة
إبراهيم عطية 01527822628
الإيميل alqaed84 على الياهو

[بعبشش]

حسبى الله ونعم الوكيل فى كل متعاقدى
القاهرة والجيزة ومحافظات وجه بحرى المشيخة
قريبة منهم ولا حياة لمن تنادى