|
#1
21-09-2011, 12:30 AM
|
||||
|
||||
إلى خالد عبد الناصر
دمع الغلابة ف وداع خالد إلى خالد عبد الناصر شعر/ سمير الأمير فى الزحمة ماشى وفاتنى موكب التوديع يا بن اللى عمر ارضها بالسد والتصنيع بلغ سلام شعبها لأبوك وقوله يا جمال مصر بتحبك وناسها بيحبوك وبشره إن الغلابه شدوا حيلهم تانى وقوله صورتك وسيرتك رايات واغانى وقوله فيه شاعر كان عايز يكلمنى ومالحقنيش وقوله يكفيك يا ناصر بعد الهزيمه بنيت الجيش ربيت ولاد مالهومش ف السرقه بيعشقوا مصر بلهفة وبحرقه خالد جمال وابوك جمال خالد خفيف على الدنيا زى الوالدة والوالد وخفيف على قلبنا اكمننا عارفين إنك فى "ثورة مصر" رفيق" لنور الدين" ورفيق على دربنا لحرية الأوطان تكره بنى صهيون تعشق بنى الإنسان خالد جمال وابوك جمال الحلم دخل حروب الغلابة عشان يسود السلم وخرج من الحكم كما خرج للموت خالى الوفاض كالملاك داخل على الملكوت لا ساب ولاد يورثوا ولا ولاد طماعين ولا ولاد مجرمين ما لهومش ملة ودين *** فى الزحمة ماشى وفاتنى موكب التوديع لكن قصيدتى شهادتى أمام الجميع:- دمع الغلابة ف وداع خالد... دعاهم لابوه ناصر نصير الغلابه... و عمرهم ما نسوه. 
|
|
#2
21-09-2011, 07:31 AM
|
||||
|
||||
|
اقتباس:
رسمت ملحمة تأريخية بكلمات قليلة وقصة لكفاح البطل جمال عبد الناصر والله عشت مع كلماتك ومع موكب التوديع لابن باني السد العالي لكن ليس مع دم الغلابة وانما دموع المخلصين واصحاب الضمائر الحية التي تحتفظ بذكرى هذا البطل وابنة والتي بقيت تحتفظ بحبها للوطن وحافظت على مبادئها ولم تتأثر بالموجة وقوله يا جمال مصر بتحبك وناسها بيحبوك جميل ربط تاريخ هذا البطل بثورة 25 فبرايروبشره إن الغلابه شدوا حيلهم تانى وجميلة كلمات السلام والتوديع وقوله يكفيك يا ناصر بعد الهزيمه بنيت الجيش ربيت ولاد مالهومش ف السرقه بيعشقوا مصر بلهفة وبحرقه خالد جمال وابوك جمال خالد خفيف على الدنيا زى الوالدة والوالد وخفيف على قلبنا اكمننا عارفين إنك فى "ثورة مصر" رفيق" لنور الدين" الان يأستاذي الفاضل نعيش الهزيمةالواقع العربي تغير كثير لم تكن هزيمة وانما انتكاسة كما تفضلت اعيد بعدها بناء الجيش هل نستطيع الان بناء النفوس والعقليا ت المتحجرة؟ نعم كانت الناس انظف ولا تعرف السرقه والرشوة مثل الان جمال وخالد وسيبقون خالدين في التاريخ بجد قصيدة رائعة ومعبرة وكل شطر فيها تحكي رواية وقصيدتك اثرت بي ودمعت عيناي عند قراءتها رحم الله البطل جمال عبد الناصر ورحم الله خالد واسكنهم فسيح جناته وشكرا حضرتك على هذه القصيدة الرائعة في رثاء المرحوم خالد جمال عبد الناصر تحياتي وتقديري
|
|
#3
21-09-2011, 07:42 AM
|
||||
|
||||
|
رجوع مشرق
وكلماتك معبرة لخالد مداد جمال بالفعل سيمفونية عزفتها داخل ميدان الحرية سطرها قلمك بإسم شعب لك كل تحياتي تقبل مروري
__________________
عندما تنتحر الحريات تعجز الديمقراطية عن عمل عزاء للشرف .
|
|
#4
23-09-2011, 07:32 PM
|
|||
|
|||
|
مبدع كعادتك
تتحفنا بين الحين والحين برائعة من روائعك
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:44 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
