الرجاء الرد

[Aljamal]

انا ولي امر وابني يريد ان يدخل هندسة الاسكندرية لان بها القسم الذي يريدة ونحن من سكان محافظة الشرقية فهل ينفع ان يكتب في اول رغبة ( هندسة الاسكندرية ) لانني سمعت ان التوزيع حاليا اقليمي الرجاء الرد

[Mohamed Omran]

للاسف التوزيع اقليمى


ممكن حضرتك تشوف اللينك دا هيوضحلك منطقة أ ومنطقة ب فى التنسيق

http://www.tansik.egypt.gov.eg/Transfer/Dalel/14.htm

[Aljamal]

شكرا علي ردك الرائع والوافي بس عايز اعرف اعمل اية علشان احول لابني من هندسة الزقازيق الي هندسة الاسكندرية هل هناك اجراء ممكن ان يتبع لعمل ذلك والف شكرا وربنا يوفقك ان شاء الله

[222ahmed222]

بص حضرتك دي كانت مشكلة كثير من الطلبه وانا كنت واحد منهم انا والمشرف الآخر للقسم اسحاق نيوتن
والموضوع له حل ولكنّه متعب بعض الشيء
الفكره كلها ان حضرتك من دلوقتي تحاول تجيب وصل نور او ميه او تليفون بأي شكل من دلوقتي لأي شقه لك ف الاسكندريه بس تكون بتاريخ دلوقتي ولما ييجي وقت التنسيق ف شهر اغسطس ان شاء الله تبقى تروح تقدم الورقه دي ف مكتب التنسيق ف جامعة الاسكندريه وتودي معاه بيان درجات ابن حضرتك وهياخدوا من حضرتك 150 جنيه رسوم وبإذن الله هيتقبل تحويله ودا اسمه التحويل الورقي
ودا موضوع اظن هيفيد حضرتك جداااا ف الموضوع دا
http://www.thanwya.com/vb/showthread.php?t=372790

[issac-newton]

و عليكم السلام و رحمة الله و بركاته .
حضرتك اودامك حلين :
- الحل الأول انك تحاول من دلوقتي تجيب اثبات اقامة ( وصل كهرباء , غاز ) . بإسم حضرتك في الإسكندرية ,
و بيكون في إلتماسات ورقية بتتعمل اظن في شهر 8 , فا بتروح تقدم الورق المطلوب و بتنتظر النتيجة وفي الغالب بيقبلوا الجميع .
- الحل التاني , طالما ابن حضرتك عايز يدخل قسم مش موجود غير في الاسكندرية , فا حضرتك ببساطة هتسأل في هندسة الإسكندرية عن شروط التحويل لقسم غير مناظر .
فا مثلا من شروط التحويل لقسم غير مناظر لكلية الهندسة جامعة القاهرة .
انك تقضي السنة الاعدادية عادي في الكلية الي في منطقتك و تجيب جيد جدا و تقدم طلب التحويل و تحول من تاني سنة الي هي سنة أولى بس بتاخد بواقي كورسات كمواد تكميلية من السنة الاعدادية بتدرسها .
كل كلية و ليها شروطها , فا حضرتك شوف الي يريحك
و بالتوفيق ان شاء الله

[Aljamal]

لقد ارحت قلبي وبالي كثيرا علي هذة الحلول لكم جميعا الشكر و العرفان لان ابني يرغب في قسم هندسة نووية وهو موجود فقط في هندسة الاسكندرية ولكن لي سؤال مدام نصحتوني بالعمل في ها الموضوع من الان : كيف احصل علي ايصال نور او كهرباء او غاز باسمي علما ان اسمي هو ( جاد محمود احمد ) وهل ينفع عقد شقة باسمي ( وهمي ) واسجلة في الشهر العقاري . ( اعطوني هذا الايصال وانا ادفع ما علية من ماء او كهرباء او غاز )

[issac-newton]

في طرق قانونية عادية جدا اما شقة تمليك او إجار بحيث الوصل يكون بإسمك , و لو عندك اي قريب لحضرتك في الاسكندرية عنده عقار ملك ممكن يكتب شقة بإسمك .
للأسف ماعنديش معلومات غير الطرق دي

[Aljamal]

لكم الشكر علي حسن تعاونكم وجعل الله هذا المجهود في ميزان حسناتكم اللهم تقبل

[issac-newton]

اللهم أمين نحن و إياكم